السلام عليكم ورحمة الله وبركاته
اتمنا من الله ان الجميع بخير وسلامه:واضع هذه الابيات بين ايديكم لعلها تنال اعجابكم
[poem=font="simplified arabic,5,black,bold,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
الكلمه اللي ضاق منها اعذب الناس=سمح المحيا سلسبيل القراحي
يشهد علي الله مبا اجرح لك احساس=زلة لسان وكلفتني مراحي
لكن انا طالبك ياطيب الساس=العذر مني وانت منك السماحي
ياغصن ميالٍ لياهب نسناس=حاميه ربي من جميع النواحي
شوفك ربيع ونفح عطرك لي انفاس=وطلت جبينك مثل نور الصباحي
عقد من اللولو وعقد من الماس=وفي يدك ضيقة خاطري وانشراحي
اهديت لك ورده ومديت لي كاس=ذبحتني ذبح بليا سلاحي
طيفك يزاورني من البعد عساس=واونس بجوفي مثل زرق الرماحي
مادام ذا يرضي غرورك فلا باس=يفداك حظ كل ماقام طاحي
روح الغلا والحب ماتعرف الياس=والعين صوبك يابعيد المشاحي
اصلك فوق اللي كما فرخ قرناس=لو ماحصلي غير مقعد سياحي
ماعاد لي من دون شوفتك مجلاس=الا ولا اطلب منك غير المباحي
ادرى مشاعر شخص مرهف وحساس=جرح المشاعر ما وراها صلاحي
[/poem]
الشاعرهايف العطاوي