مساء الخيررر
للتواصل معكم بكم بيت اتمنا ان يرقا
منها شي الى اذواقكم الرااقيه .. والمعذرره
والمدخل
يقول
[poem=font="traditional arabic,6,black,bold,italic" bkcolor="white" bkimage="" border="none,4,gray" type=1 line=0 align=center use=ex num="0,black""]
البارحه من غير بالشعر تفكير =كثرت عليه بالطواري هجوسي
وامسيت ادله ضايق الصدر تصبير =والليل من شينه بوجهي عبوسي
وبندر سرور مصخر القاف تصخير =يضرب بشعره طيبة أغنا النفوسي
شاعر ولا يحتاج بالشعر تذكير =مايجهلون اذكاره الا النجوسي
ايدق فى عيون الرخوم المسامير = ورج بصدى صيته كبود الطعوسي
أرسا بشعره من ثقال البوابير =واسرع بفكره من جديد الجموسي
اللي دناقلها تطب الكزابير =مايتعب السايق عليها الجلوسي
وأحلا بشعره من حليب المغاتير = للمتعض من شعره اقوى الدروسي
وانا هجوسي واردات ومصادير =بغيت اكسر من جماي ال ضروسي
ياهل الجموس مرفرفات المواخير =اللي دراولها ربو بالشموسي
العزم فيها من خيار المواطير =اللي عليها ولف اقوى التروسي
صوت الشكامين يعزف لك مزامير =ويقول فوق الريس لي لاتدوسي
ولله رب الملك عظمه وتكبير = واطول حروب الجهل حرب البسوسي
وان جاز لي في نظم الشعار تعبير=صغت القوافي حسب فكري وقوسي
من كثر ماعيد التفاكير وادير =في عالمٍ ظهرت بحس الفلوسي
والله ما فاكرت في شيخ وامير =مازال ماماتت بشعري حسوسي
اصوغ من عذب القصيد التعابير =مادام فكري عايش ابها الطقوسي
وعلي من وجيه الكرام المعاذير =والاش وجهه مملي من الخفوسي [/poem]
ووووووالمخررج
[poem=font="simplified arabic,6,blue,normal,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
سلام من شاعر يصوغ الجزيله = عداد ماخطو من الشعر بوراق
ياالوافيه يالكامله يالاصيله =ازريت فيك انظم من الشعر الاشواق
ياللي علي بالوصل منتي بخيله =ذوقك غلب يابنت جميع الاذواق
تبرق هجوسي فيك برق المخيله =وفي وسط فكري بك من الشوق براق
ياللي وربي ماخلق لك مثيله =الشوق باقلوب المحبين حراق
ووجه المعزه منك وش يستحي له =مدام ماله من غلا قلبك أعتاق
ياللي من ابداع الشعر ينهديله =الذ من حلو أعذب الشعر ماراق
ياماخذه قلبٍ عشقك افتحيله =بيبان قلبك شرعيها له اطباق
واليا نظم فيك القصيد أنصتي له = وتحشمي بالشعر له وسط الاسواق
واليا حكيتي بالغرام اهمسي له =والرزق للمخلوق من رب الارزاق
محد ينال اكثر من الله حصيله =والحق من هو يزعله بالف طقاق
ياهل الحساء والطيب واهل الجميله = المدح فيكم من هواء البال ينساق
يقبس لكم بالصدر مثل الفتيله =اليا قبس في راسها زند شعاق
وانا انتمي لاصلي وذيك القبيله =اللي لها بين العراب اصل واعراق
ربعي سليم مزبنين الدخيله =واليا بركنا نحمل اللي ماينطاق
والاش حقه من يخلي سببيله =مانا لطرد اضعوفت الناس عشاق
ومن حط سمعه للعلوم الرذيله =يحيا على النمات ويموت بنفاق
مايعلم عن القبر وش كم بقيله =وش مكسبه لا لتفت الساق بالساق
غافل باهالدنيا ونفسه بخيله =والله يعينه يوم نشفات الارياق
اللي يشيل العلته في شليله =ودك على وجهه تساعده بطراق
والعاقل من الناس فكره دليله = وانا على فكري من الله منساق
ماعشق من ربي غير المستحيله=ماني بحبي لضعف البيض معلاق
وختامها يم العيون الكحيله =تقبلي تقدير من حر الاعماق
من شاعراً بالشعر مافيه حيله =بينه وبين الشعر مليون ميثاق
وان جاك من نظمه شعر وثقيله =وبيدك خطي له على بيض الاوراق
واختم با من دينه علينا فضيله =رب(ن) بعلمه نورت كل الأفاق
صلو على محمد راع أفضل وسيله =عداد ما للشمس من نور شعاق
[/poem]
وسلامتكم
رد مع اقتباس
المشاركة الأصلية كتبت بواسطة أبوعبدالرحمن
