مساء الخيررر
وكل عااام وانتم بخيرر
وبمناسبت العيد الوطني للملكه العربيه السعوديه
حاولت لين عجززت ماقدرت اكتب بيتين
ترضيني عن شعري وتقنعني عن موهبتي
في الوطن لان الشعور في حب الوطن
يفوق المشاعر والاحاسيس وحاولت بكم بيت
واعذروني على التقصير فيها
في المحاولتين
[poem=font="simplified arabic,6,blue,bold,italic" bkcolor="white" bkimage="" border="none,4,gray" type=2 line=0 align=center use=ex num="0,black""]
ياديرة العز والمجد وديار السلام =المدن من ماءٍ وطين وتربتك من ذهب
محدٍ من الخلق فوق ارضك يضل ويضام =ياديرت الحق بك من حيث سار وذهب
من عقب ماكنتي أعشاشٍ وطين وخيام =والأمن ما من أمن مغير سلب ونهب
وحدك عبدالعزيز الفيصلي بالحسام = من فضل ربٍ ليا من شا لعبده وهب
وان كان تبغون يهل العرف زبد الكلام =يختار ربي لدينه من يشاء ويهب
وعيال الامام سارو فوق نهج الامام =مامنهم اللي ليا من جاه دوره كهب
كلٍ ليا من حكم بالحق شد الحزام =ويصالي الحرب لو نيرانها تلتهب
سعود والفيصل وخالد عزيز المقام =الكل من قبل دوره فى السياسه زهب
وفهد علي الملازيم وعلي الحرام =خافوه من لا يخافون ألا سعير الهب
واليوم حكم أبو متعب بالعدل والنظام =يشعل سما الدار من مده نجوم وشهب
وسلطان يارب عوده بالشفاء والسلام =واحفظ لنا النايف اللي فاق سعر الذهب
[/poem]
الثانيه
[poem=font="arial,6,black,bold,normal" bkcolor="white" bkimage="" border="groove,8,red" type=2 line=0 align=center use=ex num="0,black""]
يامملكة دار العروبه والايمان=صبحك ربي بالف حب وتحيه
حبك جرى فى القلب شريان شريان =وخالط خلايا الدم خليه خليه
شوف الدول يادار من حولك الأن =حكامهم راحو سببهم ضحيه
اعوذ بك يالله من كل شيطان =نفسي بتقوى أيمانك أكبر غنيه
والعالم اللي ما يحبون الاوطان = في ذمتي ماعندهم وطنيه
قولٍ عليه من البراهين ظمان =من شاعرٍ بالشعر له مدرويه
ماني بلا واهم ولا ني بغلطان =شاعر واعرف اللي لي وعليه
ياديره أهل العز وطوال الايمان=حكامنا اللي فوق تقوى ونيه
انتي سعوديه وحكامك اخوان =متسلسلين من اسرةٍ عربيه
مافيهم اللي بار في عهدك وخان =وافين زي منتي لهم يالوفيه
عبدالعزيز اللي كما السيف شامان =روحه لارب الكون راحت بريه
العاهل اللي صورته وسط الاذهان =لو مات فينا روحه اليوم حيه
يجزاه رب الكون عنا بالاحسان =اللي ليا عطا مايمن العطيه
طبق لا شرع الله سنه وقرآن = ونبذ صنوف الشرك والجاهليه
نشر صروح العلم في كل ميدان=ونور عقول بعلمه البشرريه
وسعود والفيصل وخالد لهم شان =أهل الوجيه الصادقه والنقيه
اعياله اللي بالوغا علمهم بان =وفعولهم ماهي على احد امخفيه
وفهد لعب بسياسته فى المريكان=ماحدٍ بلغ بسياست الحكم زيه
عساه في جنات عدنٍ وغفران =ما فى العرب بسياسته لو بليه
واليوم في حكم أعدل بحكمه أنسان=راع الكفوف الطاهرات النديه
اللي ليا من مد من كف مليان =يمناه من كف العطا حاتميه
معنزن لاصله على جيد سيسان =على معزي وأمه الشمريه
ولي عهده قائد الجيش سلطان=جيره يارب الكون من كل سيه
ماينتقدر فالعرب باغلا الاثمان= ولا الدار عوده قبل عيد الضحيه
عاش ابو خالد للوطن درع واركان =ويعود متعافي لداره وحيه
وحفظ لنا سمو نايف وسلمان =أهل العدل والحق وأهل الحميه
(الله يديم المملكه بأمن وأمان)=في ضل حكام الوجيه التقيه
وصلاة ربي عد همال الامزان =على رسول الله وخاتم نبيه
[/poem]
وسلامتكم
رد مع اقتباس
المشاركة الأصلية كتبت بواسطة سامي العطاوي
