هاااااااااااااااااااااااا ااااااي
<<<<<<<<<<<<<<< هايلوكس والا هاي بعير خخخخخخخخخخخ
هذا الموضوع برعايه
7
7
7
طبعا الكل عارف ان النهار صاير طويل مره وكل واحد يقضي النهار بطريقته الخاصه ..
اما انا واعوزو بالله من كلمه انااااا اقضيه بطريقتي الخاصه او بالاصح بطريقتي المعتاده وهي اني الساعه عشره اقوم من نومي واروح افطر وبعدها اطلع الحوش وافتر بهالاسكوتر لين تصقعني الشمس وادوخ وادخل للبيت واتغدى واطلع اكمل فرفره بهالاسكوتر لين المغرب وبعدين اروح اطر من ابوي ريالات واروح للبقاله واشتري عسكريم وببسي وشبس وارجع البيت وكالعاده انا وخواتي نتهاوش ع العسكريم والشبس وفي النهايه تجي امي تاخذه وتقول الي بيجلس عاقل بعطيه وتروح تندس بزاويه وتاكله . وبعض الاحيان تعزم الشغاله عليه ...
وفي مره من المرات قمت من النوم ومدري وش كنت حاسه فيه بس احس ان بي شي مو طبيعي .. ونزلت الصاله تحت والا اشوف امي تصارررررخ وتحط رجلها وتركض ع الحوش والتفت واشوف اخواني يصارخوووووون وركض ع الحوش وانا من الروعه احط رجلي معهم وهاتي ياصراخ وركض ع الحوش وقمنا نفتر نفتر ونفتر لييييييييييين صكتنا الشمس كل ابونا بعدين مسكت امي وحجرتها بزاويه وقلتلها مطولين ؟؟؟ يلا دورتس الحين ...ومامداني احط رجلي الا تمسكني مع شوشتي وتقول ومن قالتس اننا نلعب صيده يالخبله ؟؟؟
قلت مدري بس يقولون ... قالت ياملحتس الحين ممكن تقولين لي وش هذا الي ناشب بضروستس ؟؟؟
قلت وشو ؟؟
قالت قطع لحم وكانه ادمي بعد والله اعلم ...
قلت اهاااااااااا وانا اقول احس اني ماش فيني شي موب طبيعي اليوم .. قالتلي طيب وشو هذا لا يكون افتريتي بالشغاله ؟؟؟؟؟؟؟؟ قلت لااااا اي شغاله تقصدين مدينه شغالتنا ماغيرها ؟؟؟ قالت ايه ... قلت تكفين يمى انتي شايفه فيها قطعه لحمه يمديني اعضها !!! كلها عظام وجلد والفاصل بينهم عضله صغيره ... قومي بس قومي ..
وكلها ثواني والا يجيني ذاك الصفعه الي تنهمر على جبيني .. << يمديكم ؟؟؟ والتفت واقول يمىىىىىى ليييييييييييييييييه ؟؟ قالتلي كم مره اقولتس ماتاكلين اوادم وانتي نايمه هاااه .. الحين تسمعين جارتنا ام صالح انقرضت وقامو الصبح ومالقوها مثل ماصار مع ام ناصر ... متى بتوبين هاه فشلتينا وفضحتينا .. اوف بس متى ازوجتس وافتك بس ..قلت يمى مايمديني ... قالتي ليه وشوراتس ؟؟ قلت ابي اكون نفسي ... وصفعه اخرى تنهمر على كتفي هالمره وتتلني وتقولي قومي فرشي ضروستتس واسبحي ترى الجيران اشتكو اليوم على ريحه الخياس الي نابعه من بيتنا ..
دخلت البيت وكنت متجهه للحمام وانتو بكرامه وكنت امزمز ع القطع اللحم الي ناشبه بضروسي .. والقى اخوي الصغير بالطريق واحجره بركنه وهو يقولي لا مابي ماااابي لا تكفييييييييييين لا ماااااااابي ... قلتله وشو انهبلت وشو الي مابي مابي ؟؟ قال مابي تكلمينن .. قلت ليه .. قال ريحه اثمتس تصروعني .. قلت اهااااااااااا اجل تصروعك هاه .. اجل خذ .. أأأأأأأأأأأأأأأأأأأأأأأأأ هههههه أأأأأأأأأأأأأأأأأأأأأهههه ههههه .. ثواني والا اشوف اخوي جاله تشنج وانصرع ... التفت للشغاله وقلتها زين كذااااا هااااااااااااااه والله اعلم امي عليك...
شوي والا اسمع صوت ابوي ينادي ..
شعولتييييييييييييييييي .. مشيعييييييييله
قلت هلا يبااااااااااااااااااااا سمممممممممممممممممم فديتك انا
قال تعالي عندي لتس خبر حلو ...
قلت وشو عساه خير .. قالي اقولتس خبر حلو تقولين عساه خير !!! تعالي بس بقولتس الخبر
هاه .. لا تقووووووووول شريتلي سكوتر جديد ؟؟ ..........<<< كلن على همه سرا
قال اي سكوتر لا خبر ازين منه ... قلت خلاص عرفته بتشتريلي بعير اربيه ؟؟ صح .. قل ايه تكفى ... التفت ابوي على امي وقالها .. مأجورين ياام شعوووووله هانت ..
قلت : هانت ليه هانت ووشو ؟؟؟
قال : يابنيتي انتي كبرتي وصرتي عروس ...
انا >>> بتخطبني يبااا
قال : تخففين دمتس ترى مو وقته والشرهه علي انا الي اسويلتس مقدمات كنت احسبتس بنيه تستحي بس الضاهر طلعت انا الي استحي وانتي وجهتس مغسول بمرق ..
قلت لا مو مرق .. بجريش لو سمحت
قال : اسمعي بكره الشوفه وسنعي نفستتس نبيك تعرسين بالطيب بالقوه بس فكينا ...
قلت ابد ماطلبت شي بكره اروح اشوفه .. قال ياخبله هو الي يجي يشوفتس مو تروحين له ... قلت تم يبى
ويجي من باتسر واروح واطقلي اكشخ فروه عندي بالدولاب .. والبس البوت الاحمر ويوم جيت بكد الشوشه عجزت بالاخير قلت اهم شي الاخلاق ... :11istling
وجت الساعه اربع وانا كلي حياه ومره مسويه في ام امها حيويه .. شوي والا يدق الجرس .. طنطن ... وارررررررركض ابي اروح افتح الباب اشوف ابو عيالي :11istling والا تمسكني امي وتقولي هيه انتي وين الحياء الي تو هاه والا مسويه في ام ام امك حيويه ... قلت ايه وهو كزالك .. وتركدني بطراقين يحبه قلبكم ..
جا وقت الشوفه وانا رجولي قامت تصبب عرق وجبهتي جتها ام الركب بس انا كنت صامده وسحبت عليهم وقلت مافي بعرس عليه يعني بعرس عليه ...
دخلت عليه وانا اترنح واغني اغنيه هيلاا يارمااااانه هييلااااااااا يارماااااااانه الحلوه فرحانه الحلوه فرحانه .. مين يرقصهااااااااااااا مين يرقصهااااااااااااااا ... وامد يدي له واقوله تسمحلي بالرئصه دي ؟؟؟
الرجال ارتاع وقام يناضرني .. قلتله شف يابو الشباب انت جاي تبي تعرس صح ؟؟ قال هاه لا مو انا ابوي .. والتفت على ابوه والا يقولي ابوه .. لا كذاب ولدي اصلا ذا لا اعرفه ولا يعرفني .. اقول ويني فيه ..
قلت شف انت واياه لا تصرفون طيب وعادي باخذكم اثنينكم هماه الشرع حلل اربع .. اقول يبااااااااااااااااااااااا ااا .. جا ابوي وهو حاط يده على قلبه .. قلت شيل يدك من على قلبك ولولش تراي ابعرس على الاب وولده بس يلا شد حيلك وهات المأذون ..
ثواني والا اشوف المأذون مرتز قدامي اثر ابوي مغبيهم ورى باب المجلس ... عشان مايمديهم يغيرون رايهم او ينحاشون
ويتم العرس واسكن كل واحد في بيت لحاله والحين والحمد الله ركدت وصرت ادبر اموري << عقب هالزيجه ماضنتي تتدبرين شي
وبالختام احب اقولكم مايستفاد من القصه ::
الطفش والفضاوه شي شنيييييع لابعد حد.. اسالوني :11istling
اذا كنت تاكل كتكات وتشرب ببسي وانت تكتب الموضوع وفجاءه خلص الببسي والكتكات .. لا يهمك وكمل موضوعك
القناعه كنز لا يفنى .. <<< ماتعرف وش تقول
بس خلاص انشاء الله استانستوا .......؟؟
خيييتكم ... راسبه طول عمرها ( شعوووووله )