[align=center]
هذه القصيدة كتبتها في خالي و والدي الشاعر الكبير : عبدالهادي بن راجس عندما أُدخل مستشفى المصانع بالخرج ، الله يجيره ويخرجه من المستشفى سالماً غانماً إنه على كل شئٍ قدير ، ومهما كتبته فيه فلن أوفيه حقه وقدره :
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
بسم الله أبدا باديٍ ضرب الأمثال=ربٍ ليا خاب الرجا نلتجيله
سبحانه منزّل تبارك والأنفال=فضايله دايم علينا جليله
مبداي بسم الله على كل الأحوال=واكتب من المعنى بيوتٍ جزيله
ماجور يامن للثقيلات حمّال=يامن ليا جار الحمل ترتكيله
سلامة اللي للمشاكيل مدهال=راع الصفات المكرمات النبيله
مقدام ربعه للصعيبات حلاّل=فكّاك عسرات الأمور الثقيله
شال الحمول اللي على غيره ثقال=يوم أن غيره ماقوى الحمل حيله
هذا مثل واضرب على مثله أمثال=رجّال قدره وازنٍ له قبيله
ياسعْد منهو صرت له خال ياخال=يفخر بطيبك بين ربعه وجيله
لك في مزار الطيب يابوي منزال=ولا كل من قاد الركايب يجيله
الله يحرسك من بلا سوّ الأهوال=تبقى لنا مجد وملاذ ودليله
يارب عبدك مابعد صار ملاّل=في طاعتك ياقل منهو مثيله
أسعد خبر لامن سمعت المرض زال=ليت المرض ينزال عنك وازيله
بأمر الذي نزّل تبارك والأنفال=صعب الأمور تهون والمستحيله[/poem][/align]
[align=center]
*[/align]