م ـساء // ص ـباح (( الذوووق ))
:
:
لا لمحت الشمس في وقت الغروب
فز قلبي يتعلّق بالشعاع
الهوى شرقي وأنا قلبي عكس الهبوب
كأن بيني وبين الهوى صراع !
مع حبيبي دايم | الوقت | محسوب
كل ماقلت هـلا قال الوداع !
مادرى أن القلب في حبه .. يذوب ..
والمدى بيني وبين خلّي في إتساع ..
لو بغيت | أجوز | عن حبه وأتوب
ساقني له شوقي الطاغي بساع !
والهوى مافيه ( غالب ومغلوب )
وأمر خلّي في الهوى دايم مطاع !
::
ضاعت معاني قصتي | واحترت | وشلون أستريح
كلي إجابات وعذاب وبعض صمتي أسئله
عيني بها ( العبره ) وأنا داخلي قلب جريح
وأحساس يحيا بداخلي وأرجع بقسوه أقتله
×× محتاره ×× أبكي وأبتسم وأضحك وأعاندهم وأصيح
صارت حياتي كلها / مهزله في مهزله / !!
::
إترك "جمالك" .. ياحبيبي على جنب!
غير الحلا تعجبني .. "بزود طيبك"..
كلك على بعضك .."تجنن وتنحب"..
"حظي" .. كبير الي جعلني "نصيبك"..
إن كان .."حبي" .. في نظر بعضهم ذنب..!
يامرحبا والله بذنب "يجيبك"..
ماأقول الا الله "يخليك".. يارب..
ويعمي عيون من .."حسدها ".. تصيبك...!
::
إستسلمي ياعزتي لاصارت أيامي سلاح
كان من نفسي أسعدك بس الليالي طول ( ن )
أنا حاولت أشعل شمعتي بس المصيبه في الرياح
لاهي بلا نور ( ن ) ولاهي من إللي إنطف ( ن )!
::
أنا جيتك طفل ضايع حنان الحب ماذاقه
وصلت لعالمك صدفه
دخيلك لاتخليني !
::
الجسد موجود والروح أرحلت !!
والزمن غدار لكني صبور ..
عيني الي من عنا الوقت ادمعت ..
حزنها ياخوي شيد له جسور ..
وحدي بدنيا بها روحي اطلعت ..
فاقد الاحساس ماعنده شعور !
الهوى مابيه انا روحي اشبعت ..
وش يفيد الجرح لو كلي كسور ؟
::
لا تحسب اني عقبك في ندامه
ماني على حب المقفين ندمان
من باعنا بالرخص نرخص مقامه
نشطب عليه ونتركه دون عنوان
::
لا تحسبين اللي في قلبي لك شوي ,
لا تحسبين شخص مر ونسيته ..
انتي لي الدنيا ولعيوني الضي ,
وانتي غناتي والرجا اللي رجيته ..
حلفت منساك مادامني حي ,
حتى السهر لعيونك هويته ..
لا تحسبين اللي بقلبي لك شوي ,
درب الغلا توني ما بديته ..
::
ياحلوتي هاتي لي ( الشاي ) ببريق
ودي أمخمخ هـ المزاج المعكّر
خليني أشرح خاطري وأترك الضيق
وأنسى زمان اللي عجز لايتذكّر
الشاي منك مايبي × سكر وريق ×
لاصار بـِ يدينك يجي فيه سكر
::
كل المشاعر في غيابك حزينه
وكل البشر في حضرتك مالهم دور
من قالك أن القمر شبيهك
عمر القمر مافاح من جسمه عطور
| إنت القمر | والفرق بينك وبينه
نورك طبيعي والقمر مكتسب نور
::
×× اذا شفت المطر ××
افتح ايدك واجمع اللي تقدر عليه !!
شفت اللي جمعته ؟؟ هذا شوقك لي !!
تبي تعرف شكر شوقي لك ؟؟!
×× باقي المطر اللي ما قدرت تجمعه ××
::
سمعت نغمة رساله
قلت يالله عســى خير ؟
وأنا ثلاث أيام محدن ذكرني
فتحتها بلهفة من الفرح باطير
وأقول يالله من اللي أفتكرني
أثرها من الجوال يرسل فواتير
هو الوحيد اللي أبد ماهجرني !
::
قل للعيون اللي شكت بعد الأحباب :
وقل للدموع اللي من الشوق هلت :
وقل للشعور اللي من الهم منصاب :
وقل للجروح اللي بالاحساس حلت :
وقل للخفوق اللي عجز عنه الأطباب :
ترى المشاعر من عنا البعد "ملت" .
::
الطيب بين الناس كاسب ومكسوب ،،
وانا الذي من طيب حظي كسبتك ،،
أهل الخليج واحد وعشرين مليون ،،
وانت تساويهم ولو كنت وحدك ،،
::
كغايه يابو نوره لاتغني لي الأماكن
تراك في غناتك ذي بالحيل تعذبني
تذكرني بصاحب ٍ غلاه داخل القلب ساكن
أفتقدته كثير كثير وليته داري ٍٍ عني
"الأماكن كلها مشتاقلك" تثـيـربي سواكن
وتقطع رماريم القلب وأصيح منها واوني
على صاحب ٍ عزيز وغالي فداي وفداكن
راح وتركني وانا لشوفته والله أحني
ليته يجي ويشوف عيون ٍ عليه تباكن
ليته يرجع لي ثواني ويدري بأني
أفتقدته حيل وأتعذب إلامن سمعت الأماكن
::
أجيه بآخر الشارع
أجيه الشاعر البارع
.. { يغنيني } ..
.. يناديني ..
وأنا .. مبهور
ياربي كيف ها العصفور
قدر يقطف غصون النور
وأنا الشاعر ..
عجزت ألمّ من ضعفي
شظايا قلبي المكسور
::
أحسك تلعب بقلبي لعبة شرطي وحراميه ..
أنا أستسلمت مابلعب كفااايه لاتلعبني ..
أقول لك هالسماء زرقاء تقول لي لا سماويه ..
أقول طيب : سماويه .. تقول لي لاتغلطني !!
تقول لي الورده ذي أي لون ..! أقول لك هذي ورديه ..
ترد تقول لااا حمراء .. عسى الله بس يصبرني ..
إذا ناوي تعقدني وتلعب يالغلا فيني .. تراني معقد وخالص ومو ناقص تعقدني ..
:
:
ع ـسى إختياري ن ـال على إع ـجابكم
دمتم بـ ود
رد مع اقتباس
المشاركة الأصلية كتبت بواسطة سفيرة الشوق
