[align=center]بعد التحيه و المزيد من التقدير
ارجو ان تروق لكم [/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا حاسب الوقت قلي وش مدى الزله ؟=هو ليه ما عاد يثني الرجل فنجالـه ؟
ما عاد يبقى طريق الوقت فـي حلـه=قوافل العمـر طـول الوقـت رحالـه
اقفت سنينه و لا باقـي سـواء ظلـه=يتبع جسد زايد الـي صـار مدهالـه
الجوف صاير على جمرة سنـى ملـه=و القلب من ضيقةً بالصدر ينعى لـه
ماعاد لصبـر سيـفً يفرحـك سلـه=و لا عاد للعزم عنـد النـاس خيالـه
صابر و متمسكً فـي منهـج الملـه=في وقتي الـي كثيـراً صـار دجالـه
يا قلبي اترك ضعيف النفس ثم خلـه=يشرب على مر كرهـه ثايـر حثالـه
يا كوكب الارض قلبـي حالكـم ملـه=ماعاد يطرب جديـد الوقـت بفعالـه
اظنون خابت و فيـه افكـار منحلـه=و الناس كـلاً يحـاول جمعـة ريالـه
الطيب عيى ردي الوقـت يـأذن لـه=حتى زعل له دنيـن النجـر و دلالـه
راجع معي صفحة التاريـخ ثـم قلـه=يا وقت ينصف بها الي تصدق اقوالـه
معزول لو قالوا العربـان بـي خلـه=ممدوح لا جتكـم الذمـه مـن حثالـه
مليت من حبهم يـا وقـت انـا كلـه=ناسً تخـون الـذي يشريـك بعيالـه
صار الهواء خدعة المعشوق في خلـه=يضحك و هو بايعاً قلبـه مـع حالـه
و المشكله لا حلـف و الله ثـم و الله=انـك و حيـده وانـك قمـة أمـالـه
يا وقت انا بشكي اللوعـات و العلـه=هو عاش في عصرك الي راح نشاله ؟
يا وقت ذاك الحبيب الـي حـلا دلـه=خان العهد و الوفاء من حبنـا شالـه
خاين و انا محسب العربان توصل لـه=تحطمـت صورتـه و انهـد تمثالـه
كنا بروضً عطوره مـن زهـر فلـه=و فجأه تحول حريـق و نـار شعالـه [/poem]
[align=center]و سلامتكم جميعاً[/align]