يطالب السعوديين بعدم إنشاء مجالس وغرف طعام عند بناء بيوتهم !!

[دومـ]

نائب رئيس اللجنة العقارية بالغرفة التجارية بالرياض يطالب السعوديين بعدم إنشاء مجالس وغرف طعام عند بناء بيوتهم !!



الرياض (سبق) عبدالرحمن الفهيد :

طالب الأستاذ محمد صالح الخليل نائب رئيس اللجنة العقارية بالغرفة التجارية السعوديين بعدم إنشاء مجالس لاستقبال الضيوف وغرف طعام بحجة أنها تثقل كاهل المواطن مادياً ! وشدد أن بناء المسكن يجب أن لا يشمل هذه الخدمات وأن يحتوي فقط على غرف للنوم لا أكثر !!

وعندما استفسر منه المذيع جمال وأحد ضيوف برنامج "المجلس" في القناة الإخباريه ماذا نفعل بمن يأتون إلينا زائرين ، فأجاب :"الحل بسيط والمطاعم كثيرة" ، لكن ضيف البرنامج الأستاذ محمد الحامد قال ربما أن هذا الأمر يصلح لبيئة معينة وفي ظرف معين لكن اطلاقا لا ينفع لظروف غالب المجتمع السعودي المتعود على الحفاوة بالضيف وإكرامه بالشكل اللائق وأن الذهاب بضيوفنا للمطاعم هو انتقاص لتقديرهم!



عجبني رد هالمواطن

سبحان الله .... صار الي يرهق كاهل المواطن المقلط والمجلس ......ليه ما يتكلم عن ارتفاع اسعارالعقار الجنونية ....واستغلال التجار بالتلاعب بالاسعار كيفما يشاءون دون رقيب ولا حسيب حتى اصبح المواطن عاجز عن تأمين سكن له ولافراد اسرته ... اكثر من 80% من المواطنين لا يملكون مسكن بسبب هذا التلاعب في بلد 90% من اراضيه صحاري



اجل وين نقلط ضيوفنا فالحوش والله كل يوم بنشوف شي
اجل هو ماعنده مجلس ؟


تعليقاتكم...:مزون::مزون:

[زايد الروقي]

افااااااااااااااااااااااا ااااااااا





يعني نكتب على الباب ممنوع دخول الضيوف ؟




لا حشى حنا بحلم مو علم




.....

[خــــالـــــد]

[align=center]
دومـ
ـــــــــــــــــــــــــ ــــــ
تبين الصدق ؟!

والله إن أغلب العزايم ماعاد تصير في البيوت

يا في المطاعم .. أو في الاستراحات

يعني وجهة نظر نائب رئيس اللجنة " سليم نوعاً ما "

وألف شكر لك
ـــــــــــــــــــــــــ ــــــ
أخوكـ/خالد
[/align]

[!! التوفي !!]

[align=center]أختي الغاليه دومـ
الله يعطيكِ العافيه
أن بناء المسكن يجب أن لا يشمل هذه الخدمات وأن يحتوي
فقط على غرف للنوم لا أكثر !!
قمة التخلف يعني البيت للأكل والنوم بس
وإذا جيت أجلس مع أهلي كل يوم أزور واحد بغرفته
أنا مع الأخ خـــالــــد أغلب العزايم الكبيره تكون في استراحات لكن لو فكرت صديقتي
تجيني بستقبلها بالمطعم والا بغرفة النوم ؟!:11sted_re
سبحان الله كل يوم أكتشف أن الوضع في تدهور عندنا
دمتِ بسعادة
أختكِ التوفي[/align]

[الـوافـي]

لاحول ولا قوة إلا بالله

أحدهم يقول غيروا أكلكم
والاخر يقول غير تصميم بيوتكم
والاخر .................!

لماذا لا يكون المسئولون في وزاراتننا قد المسئوليه
ويتحدثو بالمنطق يقلون الوضع الحالي بكل أمنه وصدق
إلى ولي أمرنا حفظه الله .

رساله إلى كل مسئول :

أتق الله في الامانه التي أوكلت إليك فوربي سوف تسأل يوم الحساب
دع الدنيا فيه متاع .

[محمد الدغيري]

لالا

شكل الرجال ... ضربه فيوزه

قال لا مجلس ولا مقلط


هذا الذي وصانا به ديننا الحنيف ... بالتزوار والتواصل


أو ما تعودنا عليه كـ مواطنون سعوديون في جميع مناطقها


بجد حولو سقيمه من عقول نطق بالخيال قبل الواقع

الحمد لله رب العالمين على نعمه العقل

[اللـــــيث]

صاحي هذا والا مجنون .. ههههههههههههههههه

خالد معك حق ... بس ما توصل لهذي الدرجة

تخيل انت في الرياض وجيتك انا بزورك في البيت ...

وانا واحد ما احب اكل المطاعم ... بتصرفني <<< ناوي يروح له

لا تقول كلامة سيلم نوعاً ما

تسلم على نقل الموضوع

[الــــعــــاشـــق]

[grade="008000 008000 008000 008000 008000"]أفا ما عاد ألا هي [/grade]

[حازمة]

أنا أشوف إنه من المؤسف وجود مثل هذه العقليات في مركز مسئولية
ديننا وأخلاقنا حثت على إكرام الضيف
أنا متأكدة إن منزل هذا المسئول يحتوي على أكثر من مجلس
وإلا لو زاره أحد المسؤلين أمثاله وين بيحطهم؟؟؟؟؟؟؟؟؟؟
في غرفة النوم!!!!!!!!!!!!!

[دفء البوح]

يالا العجب

لا اعلم من اوصل هؤولاء الى هذا المكان

كل شخص منهم يظن ان جميع الناس يعيشون بنفس بيئته

الا يعرفون ان هناك قرى وهجر لاتتوفر فيها خدمات المطاعم والاستراحات

بصراحه تامه مثل هذه القرارت هي من جعلتنا دائما في مؤخرة الشعوب

مسكن بسبب هذا التلاعب في بلد 90% من اراضيه صحاري

زودها شوي وخلها 95% ارض فضاء و 5% ماهوله بالسكان

والاراضي بمئات الالوف


فعلا يا لا العجب

[ريف العين]

عدم إنشاء مجالس لاستقبال الضيوف وغرف طعام بحجة أنها تثقل كاهل المواطن مادياً ! وشدد أن بناء المسكن يجب أن لا يشمل هذه الخدمات وأن يحتوي فقط على غرف للنوم لا أكثر !!

طيب اهل البيت وين بيتغدون ويتعشون ولا بغرفه النوم بعد

بصراحه ماعندة سالفه ولاتعودنا نستقبل ونعزم ضيوفنا بمطاعم ولا استراحات

ومو كل المواطنين قادرين على تامين مصاريف اكل الضيوف من المطاعم ولا قادر على تكاليف الاستراحات وفوقها مصاريف الوجبات

والله ضاربه فيوزاته وبقوة بعد بدال مايشوف ارتفاع الاسعار والتلاعب فيها كل مرة تزيد لدرجه مايصدقها العقل قاعدين يتفلسفون عن المجالس وغرف الطعام

دومـ


يعطيك العافيه على نقل الخبر

[سمووره]

طيب مايبينا نحط مجالس ولا غرف طعام ولا جاءنا ضيوف نوديهم للمطعم
مهي الخساره موجوده وش استفدنا
بصراحه كلام عجيب وغير سليم بالمره
يسلمووو يعافيك ربي

[بقايا إنسانه]

كلاام مردود جملة وتفصيلا



لأنه ببساطه مو دائما اللي يزور رجال عشان ياخذه معه للمطعم

فيه جمعات نسائيه وين نحطهم أن شاء الله بالحوش ولا بالسطح

طيب وذا صار ذك اليوم عج مثل حالتنا هالأيام وش نسوي بهم

ومستحيل أستاجر استراحه عشان حرمه ولا ثنتين


أقول

إن هذا القول قولاً متخلفن

والله يعين ربعه شكله غاثهم بهالمطاعم

[(*)~سدوومة~(*)]

هو وش عليه مقتدر ولا يفكر بغيره وحاط رجل علي رجل وشفط من هالدراهم والرصيد صاك مدري كم يقوول مافيه مشكله !!!
يمكن متأثر بالاجانب يجلسون باي مكان حتي لو بغرف النوم
والله شئ يضحك ان يكون مسئول بهذا الفكر وبهذه العقليه السامجه والمتخلفه الله يحفظنا ..
ولا تدرون اذا جاكم احد دزووو الي بيته وقلطوهم عنده تراه اجودي يحب استقبال الضيووف

اقول الله يخلف علي امن جااابك بس ؟؟؟؟؟؟؟:11sted_re

المشكله الواحد اذا صار شبعان ومكتفي ماعاد يفكر يصير المخ متحجر لانه خلاص امن نفسه وغيره في جهنم تحرقه ..


؟؟؟؟؟؟؟؟؟؟؟؟؟

وااااه ياقلب لاتحزن
:زعلان:

[ابووجود]

من علامات الساعة أن تعطى المناصب لغير أهلها0
وصدق الشاعر عندما قال :
إذا نطق السفيه فلا تجبه -------فخير إجابة له السكوت0