[poem=font="Simplified Arabic,6,black,bold,normal" bkcolor="transparent" bkimage="backgrounds/5.gif" border="none,5,gray" type=2 line=0 align=center use=ex num="0,black"]
حبه عبر كل المنافذ والحدود=مايمنعه حاجز ولا خطوط حمرا
عين المها ورموش حراس وجنود=اكتاب لي اجلس اطالعه وقرا
بنت اصيله حافظه وعد وعهود=متجنبه دربن مع خيل شقرا
يزورني طيفه كل ماهبت النود=واعيش انا وياه بجنان خضرا
اطرب لصوته والحيا فيه موجود=خجول طبعه بس معي صار يجرا
اجنبه لحراج واصد من العود=وان غاب القى له من الراس عذرا
وقتن مضى لا وحسافه متى يعود=حالي نحل ماعاد في الصدر صبرا
كل الجوارح تنتظر ناعم العود=والعين تدمع والوجه صار مجرى
حبه ضناني والصبر صار محدود=احلم بقربه واللقاء صار ذكرى
بيني وبينه عهد يرقا به سنود=وان عاب فيني فذمتي منه تبرا[/poem]