[align=center]مع كل الاسف بدت ظــــــــــااهــره
أن تحط الكاتبه او الشـــاعره في توقيعها
أوفي قصيدتها انها عن الف او الفين رجال ....
والمرجــله كايده وصعبه ومهما وصلت له البنت
لن تصل لان تقوم مقااام رجل واحد ... واليكم التوضيــح
*** صلوعلى النبــــي ***[/align]
[poem=font="Simplified Arabic,5,black,bold,normal" bkcolor="transparent" bkimage="backgrounds/42.gif" border="double,4,gray" type=1 line=1 align=center use=ex num="0,black"]
اللي تقول إنها عـن ألفين رجــــال=إما على التوقيــــع وألا ألقصــيده
البنت هـــذي مالها عــندي إجــلال=لوهــي لابوزيد الهــلالي حفـــيده
وحتى لوانها بنت ذربين الأفعــــال=اللـي مكاســب كـل رجــال بــــيده
ماأسومها في وسط عيني بمثــقال=وما أسوق فيها من حلالي (جريده)
ولا احترمها فآي مخرج ومــدخال=وأبقى لها سـيد - وهي مستسـيده
لان المـراجل كــايده (يام خلخـال)=نحفي لها الســـاعي ونجهد بـريده
ونتـعب عليها ..ونتعـنا ..ونحتــال=ونفوســـنا منها وفيــــها زهـــيده
يامـــا طوينا لجلها أميال وأميـــال=وياكــم بكينـــا من سببها فقــــيده
نسري لهالاصك جال(ن)على جال=ونارد عليــها لـــو لهبها وقــــيده
وألا ارتكينا نرتكي كن حن جمــال=وإذا خذينــا مانبـــى الا الفــــريده
ماهي تجي بالهرج وإلا بـ لأمـــال=تبغي لها عــزم وثبـــات وعقــيده
يقصرعليها اللاش ويموت ماطال=لوهو دفــع مايملكـه في رصـــيده
لانها عليه أبعد من الجدي والـلال=وابعد عليش مـن النجـوم البعـيده
يا اللي عويدك يتبـع الظـل لامــال=ويميـــل لاهب الهوى حــول جيده
هذي الحقيقه والنـــوايا بالاعمـال=وكل(ن) على ماقيل نفسه شهـيده
اخوكم // عبدالعزيز الشرمان[/poem]