اخوني واخواتي اعضاء ومشرفين
هذه مصافحتي الاولى لكم واتمنى ان تنال بعض القبول
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياليت ربـي ماخلـق زيـنٍ يشـد الانتبـاه=والا خلقنا بلا قلـوبٍ ذايبـه وبـلا شعـور
اليا لقينا الزين يمشـي كلنـا نمشـي وراه=غصبٍ علينـا ودنـا مانتبعه..لكـن دبـور
يحرك القلب المولع ليـن ياقـع فـي هـواه=والقلب لامنه عشق يطيح لو كانـه صبـور
والحب هو طعم الحياه ان كان ماهوب الحياه=لولاه كان صدورنا ظلماً مثل ظلمـا القبـور
والجاهل اللي ماحدٍ ياصـل حـلاه ومستـواه=اللي طغى فيه الجمال وطاغيٍ فيـه الغـرور
اللي نسى قلبـي وقلبـي والله انـه مانسـاه=لوكان غاب سنين ماهي غيبة ايام وشهـور
اللـي ليامنـي ذكرتـه ماذكـرت الا جفـاه=والمشكله ماجاه منـي لا كـلام ولا قصـور
حسبي عليه ان كان ضاع العمر وانا في رجاه=بس اتحـرّا جيّتـه واقـول يمكنـه معـذور
الين ضاع العمـر منـي ضيّـع الله مبتغـاه=واصبحت عبره والعرب ماتدري بما فالصدور
والناس نقاده وراعي الحب تايه فـي عمـاه=غرقان بافكاره ولا يقبل من اهل الشور شور
لامرّه الطاري تبسـم مايبـي هـرجٍ سـواه=ولا يغبط اهل الذهب ولا يغبط اهل القصـور
والا المفارق غير ذكرى من يحبه وش جـداه=الا هموم وحسرةٍ في وسـط خفاقـه تـدور
لكن حلاة الحب يااهل الحب دايم فـي شقـاه=خصٍ ليامن صار لك قلبٍ على خلـك غيـور
يقوله اللي ماعرف طعـم السعـاده فالحيـاه=يومٍ حظه فالهوى والحب يمشي فـي دبـور [/poem]
[align=center]وسلامتكم[/align]