مساء الخيرررر
لتواصل
[poem=font="arial,6,blue,bold,italic" bkcolor="white" bkimage="" border="groove,8,red" type=2 line=0 align=center use=ex num="0,black""]
يالـلـيـل يالـلـيـل الـعـنــا والـمـأســي=وش حالت اللـي جايـر الهـم يطويـه
لـو كـان قاسـي سـار ماهـو بقـاسـي=شوق الهـواء والحـب محـدٍ يقاسيـه
يـخـف بالـرجـال لــو كـــان راســـي=ويقلب عمى عيونه براسـه وايعميـه
وللي يقول اقوى على الهجر خاسي= لــو كــان قـدامـي وربــي لخسـيـه
ماقلت هذا لين عشعش براسي =حب الحبيب اللي صحيح اني أغليه
ومن بعدها ماطب عيني نعاسي = وحالي على رب المخاليف شاكيه
ولو قلت ناسي منه ماني بناسي =وعزالله اني باكمل الشوق هاويه
ارقى بشعري فيه لعلا الكراسي=واصحي به من الشوق مرات واتيه
وبلغ بحبه شعري اخر حماسي =وبعذب طروق الشعر كل يوم امسيه
وحسيت يوم انه يهوم أفتراسي = ومن صغره انا اللي على يدي مربيه
ودريت بن حجمه ماهو في مقاسي = ويدس لي سم القشر في مخابيه
و(عفت الغلا ) والشوق وجميع ناسي =وماقلت في غدره لي الله يجافيه
اناغشيمٍ كنت ماني بحاسي = غدر المحبه كنت ماني بحاسيه
رغم اني ارسى من ثقال الرواسي =تهت بغلا المزيون لاخر موانيه
وكل ماجرالي في زمان(ن)قياسي = وبالحب لحقتني كبار المشاريه
جرعة من سم الغلا مر كاسي =وانا احسب انه ساق لي كاس حاليه
ومن بعد مايقنت بحبيبي فلاسي =والله مافكرت من يومها أجيه
قام بكلامه بستقز ال حساسي = وانا اتجاهل قوله اتقول موحيه
ومن طيبي الظاهر وقع فل ؟ تباسي =وتطاول أزياده علي بتماديه
قلت انت حبك لي من اجل اختلاسي = وتبغى سبب مني لجل تدرق فيه
وانا بشعري ياالمغفل سياسي = ومثلك ليا عفناه مانفتكر بيه
وصلك وساسك ماهو بحول ساسي = وحبك ماحرك خافقي عن كراسيه
انشهد ان اصلك من اردى الجناسي =بين وفاك وبانت اخر تواليه
لني ذهب أحسبك لؤلؤ وماسي = والشوق غر أعيوني الله يجازيه
وزن الذهب يرجح بوزن النحاسي= والحر ماتخفى علينا مرابيه
الذيب ما يخشى شخير البساسي =ويسبق على قول العرب دوم طاريه
مثلي ولا يطمع بعرش الفراسي =والصقر ماتخفى على أهله مواريه
ياجاهل مواري بعيد الرماسي = الصقر ماكل(ن) يصيده ويشويه
والشعر ماهو رز وسط التباسي =لا تعترض للحر لا كنت غاويه
[/poem]
وسلامتكم