الغالبيه متوهق بقروض واقساط وبلاوي ما يعلمها الا اللهوهالاسهم كلت الاخضر واليابس واللي ما نبت للحين
اليوم بتكلم عن البطاقه اللي تاكل راتبك ومبلغها تافه وقسطها عالي بطاقه ائتمان أو كريدت كارد او فيزا او ماستر كارد او اميركان اكسبريس .. كللها اسماء لنفس البطاقه
وهذاموجه لكل شخص يفكر ياخذ هالبطاقه أو عنده هالبطاقه
بحكم عملي السابق في احدى هذه الشركات ... فأنا ابغى ابري ذمتي وابين لكل شخص وش هي هالبطاقه اللي يتعامل معاه
اولا : طريقه عمل البطاقه :-
يعطيك البنك بطاقه يكون فيها مبلغ من البنك .. مثلا 10 الف او اكثر ... ويسمح لك تستخدمه براحتك وتشتري فيه
اخر الشهر البنك يرسل لك الفاتوره او الكشف .. فيه كل المبالغ اللي انت استخدمتها.. ويطلب منك تسدد 5% بس!!
طيب وش مستفيد البنك ؟ يسلفك علشان سواد عيوونك ؟؟
لا يقول لك بياخذ عليك فوائد 2 – 2.5 % على المبلغ اللي انت استهلكته
طبعا علشان تكون في الصوره الفوائد ربا صريح !! والكل يعرف حكم آكل الربا
ثانيا :ضرر البطاقه:-
البطاقه ما احد يختلف عن حكمها دينيا !! علشان كذا ببين اضراارها الماديه
انت لما تدفع .2.5% بالشهر .. معناته انك تدفع30% سنويا!!
طبعا بالفوائد المركبه تكون تدفع اكثر لأنهم يسمحون لك تستخدم اللي انت سددته
طيب متى بخلص مسددهم وانتهي ؟؟
الجواب ما راح تخلص.. لأنك تسدد 5% وياخذون منها2.5% فوائد لهم !!
انت تسدد 500وهم ياخذون 250 فوائد لهم !!
وال250 اللي سددتها تستخدمها مره ثانيه
يعني اخر السنه تكون دفعت 3 الاف هديه لهم علشان يسلفونك 10الاف
وتكون ايضا اتخلصت من قسط شهري يشاركك براتبك
طبعا ضربت المثال على مبلغ بسيط 10 الاف ... مع ان فيه بطاقات كثير تتعدى هالمبلغ
على فكره ترا في رسوم ثانيه ما تكلمت عنها اللي هي اذا اتعديت الحد او اذا ما سددت شهر او اذا سحبت منها كاش
ثالثا : انت متوهق بالبطاقه الحين.. كيف تتخلص منها :-
اول خطوه تجيب مقص !! وتقطع البطاقه!!لأنك كذا تكون وقفت الاستهلاك
ثانيا تجمع كل الكاش اللي حولك وتقتر على نفسك هذا الشهر ولو تقدر اتسلف من اقاربك وسدد اكبر مبلغ تقدر عليه
هذا تصرف تسويه هالاسبوع .. قبل تنزل عليك فوائديعني لو عليها
10الاف وقدرت تجمع 5 او 6الاف ... راح تكون قدرت تتخلص من جزء كبير من المشكله
واول ما ينزل راتبك الشهر اللي بعده .. تحاول تدفع كل اللي ما تحتاجه ضرووري فيها ...
ولو قدرت تسدد كل المبلغ الباقي يكون بركه ..او تسدد 2500 هالشهر ...
وتكمل 2500 مع الفوائد الشهر اللي بعده
التزم بالخطه وتكون تخلصت منها في 3 شهور !!
وبكذا تكون تخلصت من البطاقه نهائي
طيب لو بطاقتك عليها 20 او 30 الف ؟؟ ولا تقدر تدفعها كللها ؟
الحل انك تاخذ قرض عادي من البنك مدته سنتين بس ..ولو عندك قرض من اول حاول تجدده وتسدد البطاقه
مع اني ما انصح بتجديد القروض .. بس البطاقه ضررها اكبر بكثيييير
على فكره
القرض على سنتين فوائده 4% سنويا تقريبا مقارنه بالبطاقه اللي تاخذ 30% سنوي
وطبعا اذا خلصت البطاقه روح البنك والغيها وخذ ورقه مخالصه
وبكذا تكون ريحت بالك ووفرت فلوسك ...
رابعا : البطاقه ما استغني عنها.. طيب يالغالي .. انت لما تخلص البطاقه وترتب امورك .. حط لك 5 الاف في حساب منفصل
طبعا الاقساط بتكون اقل لأنك اذا سددت 5%راح تحسب لك كللها دفعه ما راح ياخذوا منها 2.5%
ختاما: اذ انت تحتاج البطاقه للسفر او للشراء من الانترنت:-
طلع لك بطاقه فيزا وخلي حدها مثلا 3الاف
واذا بغيت تسافر سدد فيها قبل السفر المبلغ اللي تبي تصرفه وروح هناك واستخدم على كيفك وكل هذا بدووون فوائد ولا هلله
منقول
رد مع اقتباس
