[poem=font="Simplified Arabic,5,black,bold,normal" bkcolor="transparent" bkimage="backgrounds/16.gif" border="inset,9,gray" type=0 line=0 align=center use=ex num="0,black"]
ارجو من المشرفين الاعزاء عدم الحذف او النقل لهذه القصيده المتواضعه جدا في حق منقذ البشريه
نبينا محمد صلى الله عليه وسلم ليصل الغرض من كتابتها 0000ولكم جزيل الشكر والامتنان 00
صلو على النبي
طويت صفحات الليالي الكئيبة= وابديت كل اللي يريّح ضميري
دنيا بني آدم تراها عجيبة = محدٍ خذا منها يكون اليسيري
اضحك مع ليام وجفي النحيبة= وترك صروف الغيب تبدي ستيري
واللي جذل فيها وعجّل دبيبه = صرف الدهر يصحبك مثل الخفيري
واللي خطاه الموت يوم يصيبة=مدري بشير بالغنى او فقيري
ما فاز بالجنة سوى من ينيبة= اللي صغير الذنب عنده كبيري
محاسبٍ نفسه ويرقب رقيبه = مترقبٍ يومٍ يجيله عسيري
يومٍ يخلاً فيه كلٍ قريبه= ما يعرفه ياكود رجلٍ بصيري
اللي غريرٍ فيه راسه يشيبه = واللي كبيرٍ فيه يرجع غريري
ويبدأ معه ربٍ خلقنا يجيبه= مدري كسيبٍ جنته او خسيري
من بعدها برسل حروفٍ صليبه = من هاجسٍ يهدر سوات البعيري
وانا من البهتان نفسي تعيبه= اللي معه عينٍ وشوفه ضريري
يا امة المليار قوم ذريبة =ذبوا عن الهادي وقدره كبيري
اهل الزنا وهل الخنا والضريبة= استهزءوا بللي بشير ونذيري
هذا نبي الله وايضاً حبيبه= شفيعنا يوم العبس قمطريري
ادى الامانة يالعقول اللبيبة=وبيّن لنا درب الهداية منيري
يجي لنا كلبٍ يحادي كليبه= نسل القرود متبّعين الحميري
يسب يهزأ والشتايم سريبة= والوضع ياهل الدين وضعٍ خطيري
اشق ثوبي وانتخي والتويبه= وازهم على القرم الحسام الشطيري
من اسمها دنمرك نروج زريبة =اكّالة الخنزير عميا عويري
ما قدوتك ياعلج غير الخريبة= الحرمة اللي لبّسوها حريري
ماقدوتك ياعلج غير اللعيبة = اللي خذت في كل ليلة عشيري
عين الجرادة والوجية الشحيبه= خاب الشوير وخابت المستشيري
ماهمنا الكافر وقولٍ يجيبه= عبّادة الشيطان في كل بيري
ياكلب ابعد حاذرك لا تعيبه = رسولنا باقي نسايم عبيري
هو حاضرٍ في قلوبنا في مغيبه= وغلى من الوالد ونفسي وديري
ياجعلها نارٍ تولع لهيبه=في فم من سب الشفيع البشيري
وايماننا مافيه شكٍ وريبه= والمسلم الصادق ترى له زئيري
وذا ظمينا منهجه نستقيبه = منهاج راعي الخير من فيه خيري
ونحمد الله والعراوي قطيبه= ماهوب بدين مقدمين السكيري
دام الليالي والليالي عصيبه= والشر فيها والبلى مستطيري
فبشر بنا لا جات اقوى مصيبه= بذود عن طه وبكحل نظيري
دارٍ بها ثنتين مكة وطيبه= هي نصرة الاسلام دام النصيري
اللي لكاس اهل الشكاله شريبه= واللي لكسر اهل المصايب جبيري
حكامنا اهل السيوف العطيبه= اللي اثلجوا صدري بسحب السفيري
وذا تعصّا الداء فحنا طبيبه =نحذيه قبره عند منكر نكيري
ويبقى لنا عزٍ ورفعه وهيبه= وعلجٍ تكبر غصب عنًه صغيري
يقدم الاعذار والله حسيبه= بالغصب ولاّ بالرضى مانعيري
والله لولا كان ما نرتضيبه= ونلهب تحتهم نار توقد سعيري
مادام سيف العز يجفي جريبه = وروض الرساله وسط قلبي زهيري
نفدي رسول الله بغلى حبيبه=بالعين ولاّ دمنا له نثيري
ودنيا بني آدم تراها عجيبة= محدٍ خذا منها يكون اليسيري[/poem]
رد مع اقتباس
[/align]
