ويـــني و ويــــــنك

[أبيات خجلى]

[poem=font="Simplified Arabic,6,white,bold,normal" bkcolor="transparent" bkimage="backgrounds/38.gif" border="none,4,gray" type=2 line=1 align=center use=ex num="0,black"]
إسمع تغاريد الوله في حنينك=يكبر جمودي لين توصل حنيني

مشكلتي أني تايهه بوسط عينك=مشكلتك أنك ذايب برمش عيني

ودي أوّصّل منزلة مبتغينك=والخطوة عيّت تقترب لو تجيني

عيّيّت ألاقي خصله ويني ووينك=صعبه تلاقي شي وينك وويني

عيبك فهمتك باول الوقت حينك=فهمت عيبي بآخر الوقت حيني

عَمَدت في صدي ألخبط عجينك=وتحذر لطيفك لا يلخبط عجيني

كلمات جوفك واضحه في جبينك=إقرى غموضي المشتعل في جبيني

أشوف عيبك لجل أتقصى زينك=وتخاف تنظر روحي من فيض زيني

وهالكلمه خذها سر بيني وبينك=هذا الفرق بالضبط بينك وبيني

زرعت طيبة قلب تضوي سنينك=ونزعت إحساسي قبل تلتقيني

رجيتك أبعد عني والله يعينك=ابعد مدام الرجوّه ماباقي فيني[/poem]

[أبوعبدالرحمن]

عيبك فهمتك بـاول الوقـت حينـك
فهمت عيبي بآخـر الوقـت حينـي
عَمَدت في صـدي ألخبـط عجينـك
وتحذر لطيفـك لا يلخبـط عجينـي
كلمات جوفك واضحه فـي جبينـك
إقرى غموضي المشتعل في جبينـي


صح لسانك أختي


وسلمت اناملك


تحيتي لكِ

[مشاعر حالمه]

ابيات خجلى

راااااااااااااااااائعه يابنيّـــه راااائعه فديتج

صح السانج ولاهنتي

تحيتي لج / مشاعر حالمه

[أمل عبدالعزيز]

,
,
,
الرائعة الحبيبة / أبيات خجلى
زرعت طيبة قلب تضـوي سنينـك
ونزعـت إحساسـي قبـل تلتقينـي
رجيتـك أبعـد عنـي والله يعينـك
ابعد مـدام الرجـوّه ماباقـي فينـي

ماشاء الله ..
لازلت تمنحيننا الكثير مشاعرك العذبة وقصائدك الجميلة
صح لسانك وقلبك غاليتي ودمت مميّزة

ولك حبي وتقديري

[ليــن القســا]

نص عذب بأحاسيسه ..
دام هذا البوح ينثر بيننا ..عزيزتي

[محمد الدغيري]

صح لـ سانكـ

رائعه من رائعه

سلمتِ