[poem=font="Simplified Arabic,6,white,normal,normal" bkcolor="black" bkimage="" border="solid,6,gray" type=0 line=0 align=center use=ex num="0,black"]
( بسم الله المعز المتكبر جلّ شانه )
*******************
من آخر وداع ... الى غزوة الهّـم.. احد نصوصي الشـتائيه
نص له حكايه وحكايه لم تنتهي منذ كتابته شتاء 1418هـ
صاحبي اقصد .. ( القلم )............... في زمن اللآ رفاق ...
*******************
ياصاحبي مني وداع في غـزوة الهـّم الكثيـر
قـصيدتي ياصاحبي تحكي جميع السالـفه
********************
ماعاد اريد من البشر احساس مخدوع الضمير
احساس مايجبر ابد اكسـور وجــه العاطفه
********************
دنياي احزان والم وحظي مع الدنيا فقـير
وجروح واجـد شلتها في خافـقي متخالفه
********************
اشكي انا قل الوفا يوم السهر خاوى النظير
واجروحي اللي عفتها على خفوقي حالفـه
********************
مريت في درب النقا درب المواصل والحصير
درب القـلوب الطيّبـه على الـوفـا متوالفـه
********************
هـذا انا مالي جـدى الا يصير أو مايـصيـر
مابين ياسي والامل برد ومطر مع عاصـفه
********************
الحلم في وقت الجفا ياخافقي ماهو بخيـر
والخطوه اللي تبتدي فـ اول بدايه واقـفـه
********************
برحل معك ياخافقي في عالمي الحلو الصـغير
يمكن فـ اراضي عالمي تبرى جروح ٍ نازفـه
********************
البس وبلبس للجفا لبس السلاطين الحرير
حتى لو اقلوب القسا جتـني وقالـت آسفـه
********************
واشعل فوانيس الدفا لو المنافي زمهريـر
فالساريه لو هي عريش قبل اقتراب الآزفه
********************
ماقلت لك ياصاحبي لاشي هذاك الغديـر
ماقلت لك ان المسا عذق وقصيدي قاطفه
********************
مهما تعرجن يازمن تلاقني الصدق المثير
في ساحة الاسفاف اخط الطهر واحه وارفه
********************
وداع يالشـط البعيد وداع يالقلب الكبيـر
قصيدتي نـزف الوداع فيها دموع وسالفــه
********************
* الآزفه : لفظ مجاز يعني النهايه
********************
مع امنياتي بقراءه ممتعه ،،،،،،،
محبكم / متعب بن محمد بن زبار بن حشيان[/poem]
رد مع اقتباس
