[poem=font=",6,darkred,bold,normal" bkcolor="transparent" bkimage="" border="groove,5,darkred" type=1 line=0 align=center use=ex num="0,black""]
ياصاحبي حياك مليون تنقال = في وجه مثلك يا مرد الطليبه
ياصاحبي اشرب من الكيف فنجال = في مجلسٍ كل العرب تلتقي به
ياصاحبي بنشدك عشرين سؤال = وابغى جوابك كان تقدر تجيبه
بانشدك ليش العرب تشكي الحال؟ = ليش الهدف يا ناس محدن يصيبه؟
ليش المدامع تحرق خدود الاطفال؟ = ليش البرود وحال الامه صعيبه؟
ياصاحبي ليش البشر تعشق القال ؟ = ليش الكذب بالناس محدٍ يعيبه؟
ليش الفقر زايد على مر الاجيال ؟ =ليش السكوت وعين عقلك قريبه؟
ياصاحبي ليش الكرم يشرح البال؟ = ليش الرجال عن الرجال تحكي به؟
ليش الشجاعه ياعرب مضرب امثال؟ = ليش المروه فـ الرجال العريبه؟
ياصاحبي وشهوله الناس تختال؟ = ليش الكبر والظلم واخذ الغصيبه؟
ليش البخل فـ الناس باقي وما زال؟ = ليش الحسد والفجر واكل المريبه؟
ياصاحبي وشهوله نفرح انذال ؟ = يمناي في يمناك ولا غريبه؟
ليش البشر من البشر تكره وصال؟ = ليش السؤال اليوم ضايع خطيبه؟
ياصاحبي اسمع كلامي والاقوال = وافهم كلامي افهمه واعتني به
ما كل من ربا الشنب صار رجال = وما كل ما تبغى يدينك تجيبه
وما كل ما ينزل من الفوق همال = وما كل مرضانٍ يلاقي طبيبه
ياصاحبي احفظ وخيات الانفال = واحفظ كلام الصادق الي يحكي به
وصلاة ربي يوم تنذاع الاعمال = على حبيب الامه الله يثيبه
[/poem]