مالي دخل ..مالي شغل ..
في أي شي قاعد يصير..!
أنا البريء ..أنا الطفل..
دوبي على العالم صغير..
إذا انقطع ماء السحاب ..
وانهارت أسهم واكتتاب..
مالي دخل..مالي شغل..
لو تنكسف شمس النهار..
لو صارت الاسعار نار..
لو تكثر العثرات بدروبك..
مالي دخل..راجع ذنوبك..!
أما أنا..أنا الطفل..
أنا بس أبي ألعب..
الين اتعب..
وحتى على صوت الاذان أطرب..
ثم ارضع حليب وأشرب..
وارخي عيوني وانام..
بثغر باكي ..بثغر بسام..
ماتفرق معي..!
ضحكتي او مدمعي..
أي شي يسكتني..
وأي شي يرضيني
بس مافيه غنى عن شوف عيني..
وظيفتي ..
هي اللعب..
وان سويت الصعب..
تقولون ماشاء الله هذا وانت صغير..!
ولكن اذا اخطيت..
تقولون عادي انت صغير..!
بس للعب والضحك خلوني..
وان جد الجد أبعدوني..
فانا طفل..!
ومالي دخل..