السلام عليكم ورحمة الله وبركاته ...
كثير اشوف هنا مواضيع من الاخوان والاخوات عن طريقة التحويل من معلم الى اداري
حبيت استعرض لكم تجربتي بالتحويل واللي تمت حمدلله
اول شي انا خدمت بالتعليم سنتين فقط وفي منطقه بعيده جدا وتخصصي سيئ سيء جدا بالنقل ويعتبر من التخصصات المنسيه بالنقل في الوزاره والحمدلله على كل حال
فالبدايه استخرت الله كذا مره وعزمت على التحويل طبعا حصلت معارضات كثيره من الوسط اللي انا عايش فيه وفيه تأييد بقراري لكن قليل بالنسبه للمعارضين

بديت باجراءات التحويل بالصيف الماضي تقريبا بداية شهر 8 اول شي اتجهت لوكالة الشؤن المدرسيه فالرياض اللي على طريق الملك فهد مع كوبري الوشم
تقدمت بطلب تحويلي من معلم الى اداري وجلست اتابع معاملتي كم يوم والحمدلله تمت الموافقه على طلبي(ولو معي واسطه قويه تم التحويل وانا فالرياض بدون اخذ الموافقه من الاداره اللي انا اعمل فيها كمعلم ) بعد موافقة الادارة اللي انا فيها معلم
وعلى طول على المطار واتجهت للمنطقة اللي انا اعمل فيها وقدمت بطلب التحويل والحمدلله بنفس اليوم اخذت الموافقه والله يجزاهم خير ماقصرو معي ابدا ولا ماطلو بمعاملتي
بعد ما اخذت الموافقه من الاداره اللي انا اعمل فيه رجعت لوكالة الشؤن المدرسيه واخذت الموافقه النهائيه بعدها اتجت للوزاره لشؤن الموظفين وبدت رحلة البحث عن رقم وظيفي شاغر
موضوع البحث عن رقم وظيفي جلست ثلاث اسابيع امشي ورا معاملتي وشبه يوميا وانا فالوزاره كاني موظف فيها :D في البدايه حصلت لي رقم وظيفي شاغر
لكن بالترقيات كان سيء جدا وقلت اصبر لعل وعسى القى مسمى افضل وجلست اسبوعين تقريبا والحمدلله حصلت مسمى كويس وحجزت الرقم الوظيفي باسمي .. بعدها طلبت الوزاره اخلاء طرف من الاداره اللي كنت اعمل فيها معلم اتجهت للاداره واخذت اخلاء الطرف والحمدلله كانو متعاونين جدا والله يجزاهم خير على تعاونهم
(واجهت تطفيش ومماطله بشؤون الموظفين بالبحث عن رقم وظيفي بس الحمدلله كان عندي معرفه بسيطه جدا جدا وهالشي ساعدني بتقليص الوقت فقط يعني لأحد يشيل هم يقول لازم واسطه )

(حمدلله مرتاح جدا بوظيفتي الجديده ولو داري حولت من اول سنه والحمدلله على كل حال والخيره فيما اختاره الله)

(عذرا كاتب الموضوع وانا مستعجل لاني كتبته اول مره وامسح واستعجلت بالثاني)


الله يوفق وييسر امور لكل من عنده نيه للتحويل للعمل الاداري

وعذرا على التقصير لو حصل

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]