لكم جديدي ياغرابيل
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
روح الفرح راحت مع وقت الافراح=معاد باقي غير روح التعاسه
الوقت سيفِِ للمخاليق جراح= كم شيخ قومَِ جرعه مر كاسه
وبانت خفايا الاقنعه بعدمانزاح=مليون وجهِ كان يعكس الباسه
وتصدعت صبخا الشواطي بالاملاح=واقفاربيع القلب واقبل يباسه
كثرة سكاكين الجمل عقب مطاح= واهل الحسد ماصدقو الانتكاسه
دون الكرامه نرخص اموال وارواح=حنا كذا الرجال لوطار راسه
والشعر لفعال الرياجيل مصباح= شيِ الاهي مايدرس دراسه
وبركان شعري هاج بالصدر وجتاح=ردة فعل صدر الرحيب انعكاسه
أطرق بحر مايطرقه كل سباح=وختارمحاره ولوله وماسه
أغلا الدرر لبستها جوخ ووشاح=صافي ذهب مابه شوايب نحاسه
واخذ مع الهوجاس مسرى ومسراح= واليا استصغت البيت ثبت ساسه
انحت صخر ثم أنظمه نظم مسباح=من فكر غيري ماخذيت اقتباسه
وكيفي من البن اليماني ليافاح=يقعد خوا راسي ويجلا عماسه
ومحدِ على وجه البسيطه بمرتاح=ولاعليه من المقدر حراسه
ومحدِ معه لأبواب الأرزاق مفتاح=حتى كبار الروس وأهل الرياسه[/poem]
وسلامتكم