[align=center][frame="13 50"][align=center]--(( قليل بالدنيا نعيش الوناسه ))--[/align]
[poem=font="traditional arabic,7,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قليل بالدنيا نعيش الوناسه=دام العناء خيّم على البعض والياس
والكذب نقمه لو يسمىّ سياسه=وأختل ميزان السعادة مع الناس
عوايد الأنذال فعل الخساسه=والبعض منهم للأسف ينحسب راس
وقت ٍ يقايض الذهب بالنحاسه=وأستفرست كيف الثعالي والأنجاس!
وثوب الردي لو طال ماهو مقاسه=والقرش شيّخ بالزمن زمرة أنجاس
والبعض بالدنيا غشته أنتكاسه=وإذا حكى كذاب بالخلق بلاّس
ينقل حكي مكذوب فيه النجاسه=ماله مع الأجواد خـوّه ومجلاس
عنده دراهم ويتعشى لحاسه=يحشم لاصار المال للناس مقياس
وأحد ٍ عطاه الله حدّت فراسه=يميّز المحتال من طيّب الساس
وعمر المراجل ماتجي بالدراسه=وراع الرديه لو ضحك يضرس ضراس[/poem]
[align=center]تقديري للجميع ,,,,,,[/align][align=center]
28-4-1431هـ
الرياض .[/align][/frame][/align]