[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الطيب ماجـاء للمطاليـق ببـلاش=والامثل دلـوٍ قريـب المناويـش
ولاهوب صيدٍ يلزمه كل طـراش=يتعب على صيده كثير المطاريـش
فياحظ من حطه له الحاف وفراش=والا تهنابـه مثـل لقمـة العيـش
لانه علاجٍ ينعش الروح والجـاش=ويزيل هم اللي جمع ينّ وقريـش
واخص من قلبه بياضه كما الشاش=اللي ليامنه دعـي ينفـظ الريـش
واللي يسمـى للنواميـس حـواش=ماهوب من يكثر ورى الناس تفتيش
والا الردي لامن دعي دوم ينحاش=يقفي سوات الفار في داخل الحيش
طبعه لاجات الموجبه جاه الارباش=تقول كنه مربشـه لذعـة الفيـش
فوالله مـاودي بقصـرٍ ولاكـاش=ولانيب طامع لي بدولة ولاجيـش
ولاكن ودي بموتت النذل والـلاش=واطمع بخوة من زهمته ماقال ايش
[/poem]