[poem=font=",6,black,normal,italic" bkcolor="white" bkimage="" border="none,4," type=2 line=0 align=center use=ex num="0,black""]
زاعلت من لا كـان ودي ازاعلـه=الصاحب اللي داخل الروح جاعلـه
أوي والله ياعرب كيـف قادنـي؟!=مثـل الفعـل لابـد يقفـاه فاعلـه
بنى غلاه شوي في داخـل الحشـا=يامـا تكامـل بالضمايـر مفاعلـه
أعلنت ما كنيت من صـادق الغـلا=وصارت شموع الحب بالحب شاعله
ياما شراله من عنا الوجـد خافقـي=وبالشوق من جزل التماثيل باع لـه
ما كنت اصدق لو ثوانـي قطيعتـه=واليوم ثالـث يـوم وانـا مزاعلـه
وين الذي مسعاه بالصلـح بيننـا؟=عسى ليال الوصل توضي مشاعلـه
يا لايم المشتاق في شوف صاحبـه=قبل الملام شوي ،،،وقف وراع لـه [/poem]