[poem=font="Simplified Arabic,5,black,bold,normal" bkcolor="transparent" bkimage="" border="none,4," type=2 line=0 align=center use=sp num="0,black"]
ناظرتني بعينها اللي كنها زرقاء اليمامه=ترجمان العين يوحي بكلمةٍِ مثل السلام
قلت ياربي دخيلك مالي بزود الملامه=جايز مشبّه عليّ ولايبي مني كلام
يوم قفّيت وتكلم تلّ قلبي من كلامه=كنّه يقول الكبر لله ماهو للأنام
صوتها كنّه صغيرٍ توّه صاحي من منامه=يوم قالت لي تعال و خلّ نبدا بالكلام
قلت سمّي ياهلا باللي لفاني من تهامة=ياهلابك ياهلابك عد ما هلّ الغمام
كل حيٍ من دياره له على لسانه علامه=ومن كلامك عارفين أقصى ديارك بالتمام
قالت الحب العفيف الذرب وشّو؟؟؟وش نظامه؟=ودي بحبٍ معك لو كان ماهو بالنظام
قلت من وقع على راس الطويلة والعدامة=مايوقع فالمطامين السحيقه والهدام
وأنتي أكبر من كلامٍ رددوه أهل الملامه=ومن تولع في غرامك والله إنه ما يلام
لكن اللي جابك لـ نواف وشو يا حمامة=وكيف دليتي مكاني يوم كنا بالزحام
سلهمت لي بعينها ثم ألحقتها بإبتسامة=لين ضيعت البصيره يوم ضيعت الزمام
وقالت إعجابي تعدا فيك حده وإحترامه=لين جيت وقلت أحبك ياحبيبي بإحترام[/poem]
,,,