أمل تاه الشعـور ومابقـى الاّ لعنـة التفكيـر
تجي مثل الريـاح العاتيـه وتْمَـزِق اشراعـي
امل والحب ذنب ومَالِهَذَا الذنـب مـن تكفيـر
سوي نزف الخفوق ابْْشِعْرِي،وتنهيدة ابداعي
امل قولي لعينــك مابِقـى غصـنٍ يحـب الطيـر
ولاَ طير ٍ عِشِقْ خضر الغصون وجى لها ساعـي
أمل والسالفه غيمـة وداعيّـه بوقـت اعصيـر
.حكى عنها الغمام وديمها يمطـر علـى قاعـي
امل والليل موحش والنـدم كــم للنـدم تأثـــيـر
على صدر الخطايا والجمر يستوطـن اضلاعـي
امل ضاع الكلام وما بقـى للسالفـه تفسيـر
مَا غَير الدمع تَنْثَرْه العيـون بكاسـة اوجاعـي
امل خليني امسك في يديـن المعضلـه واسيـر
على درب التلوّع لاَ أشوف ولاَ اسّمع الداعـي
امل ليت الخطايـا تنغسـل بالدمـع والتبريـر
.تكون اهوَن عليّه من ذنـوبٍ شلّـت اذراعـي
أمل مذنب كثير ومعترف،والشـر ضـد الخيـر
وانا شرّي قليل ولكـن افنـى كـل مرباعـي
امل والبارحه كنت الضياع بكامـل التصويـر
جنون،وشيطنة مدمن جنون وماهو ابْواعـي
بكيت من الجروح وهي بِكَتْ ليّ وبُكاهـا غيـر
بُكاها كان دمّ وصوت وجدٍ يطـرق اسماعـي
مسا ذيك الجروح اجْتَمْعَت ابصدري وصدري بير
وزِمى ماها بجوفي واغرق المرعـى مـع الراعـي
أمل بس احفظي لي صـورةٍ بروازهـا التــقديـر
وانا اســـتاهل غلاك ولوٍبعض الـــغلا ضاعي
رد مع اقتباس
(الحزن الرغيد)
