بنات الثانوية العامة تعال شوف الشطارة واضحك
بنات الثانوية العامة تعال شوف الشطارة واضحك
السلام عليكم حبايب
لوووووووووووووووووول تبون تضحكون حاضرين حبايب
بس المره للبنات ... سامحوني شباب ... تكــــفون المره عاد
يالله ادري قلبكم كبـــــير صح صح صح .؟
المهم ما اطول اسمعوا بعض معاناة البنات وخصوصا العلمي
اوكي
يالله
نسمع
ههههههههههه بنات الثانوية!!
في مرحله الثانويه
احتارو البنات وين يدخلون علمي ولا ادبي وكل وحده دخلت القسم اللي تبيه يا انها مع صديقاتها ولا تبي تفتك من الرياضيات والفيزيا واللي تبي تفتك من التاريخ والي تبي والي تبي...
وفي هالوقت قامت وحده من البنات كتبت هالقصيده واحتفظت فيها
شوفوها:
بنات العلمي يقولون:
حسبي الله على من تسلط على المسلمين=ضعنا ونبي رايكم يالسامعين
سهرنا الليل ورحنا نقول دارسين=وقلوبنا من الاسئلة حافظين
حفظنا الذهب والفضة وجانا الخارصين=والفراغات مليناها كلهاتخمين
ورحنا للسؤال الثاني على بالنا فاهمين=معادلات مع الاوزان عز الله ضايعين
ماعرفنا من الرموز الا الماء والاكسجين=والا السؤال الثالث يامن يعين
مسالة مانعرف لها راس من رجلين=اكتبي الصيغة الوزنية ماحناعارفين
والقوانين والله يستر علىالقوانين=تكسرت الالة من الطقطقة مابقى الا زرين
والمصيبة مشرفتنا تصرخ يانايمين=من زود الوناسة شايفتنا قاعدين
سلمنا الاوراق مافيها صح الا اثنين=الاسم ورقم الفصل وعلىالباقي مشطبين
ياناس انصفونا من الظالمين=والا ترانا اخر السنه من الراسبين
واخرتها سلامتكم يالربع والسالمين=واذا مااشتكينا لكم نشتكي لمين
شافوها بنات الادبي فتبرعت وحده منهم وردت:
من قال لكم تدخلون علمي يالمجانين=هذي هي سوات ايديكم يالفالحين
اسهروا ليلكم مع نهاركم ياالشاطرين=وحنا بنشخر مع النايمين
وحفظ الادب والمكتبة ومواد الدين=على طول بنجاوب دامنا حافظين
قلنا لكم نيوتن وفيثاغورس ميتين=وجعلكم ماتصيرون بانفسكم فالحين
واخرتها الله يسلمكم يالسامعين=وان شاء الله نشوفكم مع الراسبين
:تنرفزوا بنات العلمي وقالوا
والله وطلع لكم صوت يالادبي يالخايسين=وان كان على التوهان والله انكم تايهين
من يبي المصاله وقلة الحياء قال للادبي داخلين <--غلطت!!=دايم عند الاداره يامخبل متهاوشين
تحطون راسكم براس العلمي يالمساكين=ترى لكم الكرف والبيت وغسل المواعين
اتركو عنكم الحقد مركزنا منتوب واصلين=حنا لنا العلم والمستقبل يالمساكين
واخرها الله لايسلمكم من البلاء يالمساكين=واخر السنه ان شاء الله نكون من الناجحين...
انشـــــاء الله عاجبتكم
القلب الحنون
رد مع اقتباس
