السلام عليكم
تحيه عَطِره أعِزائي هنا ,, في البدء أعتذر عن قلة طرحي في الفتره الاخيره لسببً مـا
بعد ذلك أهدي لكم بعضً مني عسى أن يلامس حسكم العذب . .
[line]
تخرج حروفي من بين العتمات مخذوله . . .
تحلق في غربتي بين أروقة النفس ..
تتربص (بالمستحيل) ,,, إليــك أرهفت شوقي ,, ياضوء أيامي ,, ياذكرياتي الجميله
عشقت أمسك واشتقت شمسك لأني في غير أرضك غريـــــب !!
[align=center]" ألم غربـــــه "[/align]
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تعبت أشكي من الغربه تعبت أشكي من الآلام=تعبت أنزف حنيني جرح وهميً ساكنً صدري
صبرت وماقدرت أصبر بعد مامر يمكن عام=صبرت وماقويت الصبر وأنهرت وأنا مدري
كرهت أيام هالغربه علي مرت كما الاعوام=شسوي دامها دنيا ودام اللي انكتب قدري
يادنيا ليه بعدتيني عن اللي قلبي فيها هام=يادنيا ليه تفارقنا ماكنه هو كذا بدري
تركتي لي الم احساس شوية ذكريات واحلام=وشعلتي فيني نار البعد ووجعً بالعروق يجري
عشقتك يالرياض بقلب صادق ماهو أي كلام=عشقت ايامك الحلوه وسميتك بعد عمري
بعد ماكنت انا منك رحلت بقلب صدق انضام=وصرت آجيك مثل الضيف والزاير يجي ويسري
اراجع صفحة الماضي واقول ان الامل قدام=لعل الوقت يجمعنا سوا ويغرد القمري
الا يا مااطول الغربه الا يا ما اكثر الاوهام=الا يامصعب الغربه اذا كانت تجي جبري
رياض الحب بشكيلك وببكي من ضماي ايام=لاصار انك وطن عمري فلجلك دمعتي تجري
غليتك يارياض الخيرو انا فيكي ابد ما انلام=مادام ان فيك راحاتي ولوعة خافقي تبري
اخاصم من يعاتبني على هذا الغلا مادام=أحس فبعدك الوحشه تقربلي وتجي وتطري
غلاك بداخلي قمه ماتاصل عشقها الاقلام=لو اجعل دمي الطاهر بوصفك زادي وحبري
سمعت الحلو مايكمل وان الزين ماقد دام=سنينك كلها حلوه رغم مامر من مري
تعرف العبره اللي بصمتها تدفي حضن ايتام=تعرف اللي شكاله برد تدفا ومات محتري
مشاهد شكلت في داخلي عدة صور وانغام=تجول بخاطري دايم وتبقى ساكنه فكري
الا يادمعة الغربه كفايه تعبت الاقدام=فراقً انكتب ليه وفيه المصلحه عذري
متى ارجع لك بشوقي يادار العز والاكرام=متى اعانق صباحات الندى والورد والزهري
ترى وان طالت الغربه ترى لك بالحشا الهام=ليالي ودنا راحت وصار فراقنا قهري
يقوله من سهر ليله علىشانك ابد مانام=يحس بلوعة الغربه ويحس ان بالصدرجمري
ترى مدري ابرجعلك واعود لك انا بسلام=فراقً انكتب دايم والظاهر نفذ صبري
عسا الله يردني يمك ويحفظ نعمة الاسلام=و يرد الكيد للحاسد ويضلل سهمة الغدري[/poem]
[line]
ليس لنا غير ان نحلم
أن نكتب ,, ان نعبر عن صدمتنا ,, فربما الحرف يثور
على من جعل الحب تمثيليه لعدد من الادوار والابطال , , يعيشها معهم بإتقان!!
ليكون أسمهم الفعلي مغفلين!!
من زمنً ما أنخت قوافلي ,, لا أدري كم قافله من بعدي اغوتها الذاكره !!
[align=center]( لعبــة الكــراســي )[/align]
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلبك حجر ما يعرف الحب ياهيـه=قلبك قسى من بعد ماكان ناسـي
الحب ما يرفع مخاليق واطيه=وأنا رفعتك مير زدت انتكاسـي
ضاع الهوى في عالم البعد والتيه=وراح الزمان اللي لقاناحماسـي
اللي يذل النفس مابيه مابيه = أن جيت لك يا بنت لاعاش راسـي
مانيب أنا اللي ينحني للمسافيه=كرامتي شيً أكيد وأسـاسـي
الود طبعي وأنا للود(صافيه)=أصلي ذهب ياهيه ماهو ونحاسـي
أنا عطيتك قلب واسكنتكِ فيه=وانتي لعبتي بالمشاعر مآسـي
يالخاينه مالي عليكِ مشاريه=ما اشره على اللي لصادق الود داسـي
قد قالوا كل إناء ينضح بمافيه=وأنا جهلت وصار راسي بفاسـي
حب أنا بغالي الأثمان شاريه . .=بعتيـه في لحظة غرور وتناسـي
إلى متى والدرب ملزوم تخطيـه=الى متى والصبر معكِ لباسـي
...إلا العذر لا تجيب لي اليوم طاريه=كم مرتن اقبل بليا احتراسـي
بمحيه حبً ضيّع الوقت بمحيــّه=وأتركك مع باقي ضحايا الكراسـي ...[/poem]
[align=center]عبد الله التــــوم[/align]
رد مع اقتباس
