يمـــــه على قل الوصال اعذريني ***** لا طالت الغربه عن الوصل ما جيت
يمـــــــه ظروفي قاسيه سامحيني ***** عمــــــري قدر راحل انا يوم شديت
يمـــــــه حنين الشوق مني وفيني ***** على بـــلادي وشوفتك يوم انا ابطيت
يمـــــه على التقصير لا تواخذيني ***** طفلن بعيــنك مهما كبـــــرت وتعليت
يمــــــــه اذا جارت علي السنيني ***** ادعي لــــــي التوفيق مهما تعــلـــيت
يمـــــــه بعيد الدار وادري تبيني ***** عايش بغــــــــــربه موحشه ما تهنيت
يمــــــــه انا اقسمت لك صدقيني ***** حياتي من دونك دمــــــــوع وتناهيت
يمـــــــــه انا عصر البداوه يبيني ***** عيش البداوه والمــــــــراعي تمنيت
يمــــــه رحيل الرزق بينك وبيني***** قدر علي مكتوب انا لــــــــــــه تعنيت
يمـــــه وصاتك حافظه وافهميني ***** امشي لك بطــــــــاعه ولا لك تخليت
يمـــــه مسافات الشقاء تحتويني ***** امشي قهـــــر دربي واجاهد عفاريت
يمــــــه بدوي طبعي ولا تعاتبيني ***** منشى البــــــــداوه لشيمتي به تربيت
يمــه لدفاا حضن السعاده خذيني ***** بردان عن لـــيــل الشتاء بــــه تدفيت
يمـــــه على كف القدر سايريني***** على امــــــــــان وخوف دنيا التشاتيت
يمـــــــه مراسيم السعاده تزيني ***** في عالمك عمــــر السعاده تحـــــليت
يمــــــــــــه تغربني قوافل سنيني ***** عن الشمال وعن ديـــــــارك تنحيت
يمــــه عشقت ارضً بهاا تنزليني ***** على ترابــــــــــــه مدفني لا تــوفيت
يمــــــه ربيع يمر وصيفً يجيني ***** مـــــــــده ولا مريت يمـــــك وسجيت
يمـــــه شعير وبالرحى تطحنيني ***** وســــويتي خبـــــز ومن يدينك تغذيت
يمــــــــه سؤال بداخلي يحتويني ***** يوم الطفوله اعذري كان انا اخطيت
يمـــــه بسنين الجوع ما تبخليني ***** ايام فقر وجـــــــــــــوع طيبك تلقيت
يمـــــــه اشوفك كل ساعه بعيني ***** ليت الحقيقه عنك ما رحت واقفيت
يمـــــــه سراج البيت له تشعليني ***** اركض اعبي قــــاز واجيب كبريت
يمـــه ربيت ببيت من ساس طيني ***** عسب النخل سقفه وانا به تباهيت
يمـه الى من مت ما اوفقيت ديني ***** ادعي لي الرحمه وحلي اليا اخطيت
يمــــــــه حروفي حايره في يديني ***** كل القوافي والقصــــــايد لك اهديت
يمه انا روحي فدااااك آآآآمريني ***** اصغي وكل ما قلتي لي ســو سويت
قصيده تحكي معنااااااه كل من ابتعد عن والديه بسبب طلب المعيشه
اللهم مدهم بالصحه والعافيه والعمر المديد يارب العاليمن
اللهم ارحم الاموات منهم واغفرلهم واسكنهم جنات الخلد يا ارحم الراحيمن
رد مع اقتباس
