يسعدني الانضمام لقافلة الركب في هذا الموقع الجميل ..
[poem=font="Simplified Arabic,5,white,bold,normal" bkcolor="black" bkimage="" border="double,10,black" type=2 line=0 align=center use=ex num="0,black"]
من اللي علم الشوق القديم يداعب اطرافي = من اللي لا بغيت أرحل معه سافر بلا رجعه
ألا يالله طلبتك خيب ظنوني وميقافي = مدام العين عيني ويش ابى من هلّة الدمعه
اشوف الغصن مايل والعنب والتين وقافي = واخاف امد يدي والشجر ياقف على المنعة
حظوظ الوقت واقداري مثل موت الشجر كافي = أدور له ولا القا غير ظل النار للشمعة
انا ماهمني كثر الهروج ومابقا خافي = لأن الكذب مثل السبت دايم من ورى الجمعه
ولكن ياقصيدي ما خبزت الخبز للحافي = ترى الحافي يشوف بعين جوعانه وممتنعه
الا ياوقت لو تدري ابد ماظهرت لي خافي = ولا ظنك تشتتني معك والناس مجتمعه
لون المسأله فكرة قصيدة دونها قافي = من سمان المعاني والجمال اخترتها صنعه
لكن اللي على بالي لو اشيله على اكتافي = تعبت ارضيه والشكوى على الله يالله الفزعة
أنا ماهمني غير الكلام اللي يجي صافي = أحسبه صادق النيه وكل انسان في طبعه
ولكن للاسف ماينفع الغرقان مجدافي = إذا ركب السفينه موجها يلطم مثل صفعه
تعبت اعايش اللحظه ابي اوفي واستافي = ولقيت ان المدى مقفي واحاول به ابي منعه
تعبت مسايرة همي ونور من الزمن طافي = وغرتني نجوم الليل وتهت فخطوة اللمعه
تعبت اراجع أيامي أعدّ ارباع وانصافي = ونصف العمر غاب وراح ولا ادري هل بقا ربعه
تعبت من الظما لين الجنون يزيد معزافي = أحس إني بوحشة ليل ولا اقدر على الرجعه
نويت ارسم على الصفحة رموز الله ياكافي = عسا منهو قراها فاهم المعنى مع الرمعه
أبنهيها برمعة لغز أبي لي شاعر سنافي = يحل عقود معناها من شعوره ومن نبعه
وش اللي في البحر دره نست ماتلبس لحافي = عليها اربع عشر ظلمه ومن فوق البحر سبعه[/poem]