[align=center]
جديد للتواصل مع المنتدى الرائد
[frame="9 80"]
[poem=font="Simplified Arabic,4,blue,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
غنـّا معي يابنت قوس الربابه=والقلب من مابه يجر المواويل
رجلٍ يهل الدمع من حرّ مابه=من طاري الفرقا يعيش البهاذيل
الذيب كانه جر صوته عوابه=مدري طرب وألا من الهم والويل
سحابةٍ تقفي وراها سحابه=وألا بروقٍ تشفي الناس بالسيل
بشكي البحر وأشكي الغدير وعذابه=وأشكي القمر والشمس وأعاتب الليل
الصبح والقمرا ووجهك تشابه=ذقت الغرام وعشت بعض الغرابيل
كانك نهبت القلب منّي نهابه=الله يعينه بالليال المقابيل
جيشٍ غزاني والمحاجر اركابه=غزيتني بعيون سودٍ مضاليل
وأن زان معنا الوقت وأنهد بابه=يا زينها لو نجتمع للتعاليل
الحب كل الحب ما كنت أهابه=الموت لو علّمتني بالتفاصيل
قلبٍ يعيش الحب محدٍ درابه=وقلبٍ مدلّل من هل الحب تدليل
أحدٍ يعيش الحب هم وكآبه=وأحدٍ يعيش الحب ضحك وتساهيل
ليتك تجي وتشوف وجه الغرابه=أضحك ودمعي تشتكيه المناديل
ما عاد في هالكون شيٍ نهابه=بنتٍ تهز قلوب بعض الرياجيل
غاب الحبيب اللي ذبحنا غيابه=والقلب من مابه يجرّ المواويل
*
[/poem][/frame]
أخوكم / فيصل بن راجس[/align]