المشاركة الأصلية كتبت بواسطة حزين الحرف
السلام عليكم ورحمة الله وبركاته
اخواني الاعضاء هذه قصيدة من قصائد المتواضعة
التي أتمنى أن تحوز على رضاكم
[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
ذكرتك ليلة البارح سهرت ولا عرفت النـوم =طرى إسمك على بالي وطار النوم من عينـي
ثلاث سنين يالغالي تغيـب ولا تجينـي يـوم= وأنا اللي غيبتك عنـي ثـلاث أيـام تشقينـي
تركتيني مثل شخصٍ غريقٍ ما يجيـد العـوم= تلاعب بي جيوش الموج مدري وين ترمينـي
أخاوي الليل بغيابك حزيـنٍ شاقـيٍ مهمـوم =أعاني لوعتي وحدي ولا بـه مـن يواسينـي
يعيش الناس في قربك ومن وصلك أنا محروم= حنيني يشعل بصدري ونار الشـوق صالينـي
كثير الناس لاموني وزادونـي ألـم وهمـوم= وقالوا لي خلاص أنسى تراك أصبحت ناسيني
أنا وش لون لي أنسى وحبك داخلي مرسـوم= وطيفك لو يمر لحظة مـع النسمـة يبكينـي
أنا بصبر على بعدك مدام إن القـدر محتـوم= ولكن يا بعد عمـري حـرام إنـك تجافينـي
تمر سنين من عمري وجسر وصالنا مهـدوم= وأنا مقدر على الفرقى وصعب إنك تناسينـي
ولا ندري من الظالم ولا ندري من المظلـوم =ولكن نـدري بكلمـة أراضيـك وتراضينـي
متى يصفى معك جوي متى تترك سمانا غيوم= متى تسعد بك عيوني متى تنور بـك سنينـي
متى تتركني أحزاني متى حظي معاك يقـوم =متى يفرح حزين الحـرف ؟؟قلـي يانظرعينـي [/poem]
لسماع القصيدة
http://members.lycos.co.uk/adn249/thkrtk_albhrh.ram
لتحميلها
http://members.lycos.co.uk/adn249/thkrtk_albhrh.rm
وسلامتكم
اخوكم
حزين الحرف
عبد الرحمن سعد