[poem=font="Simplified Arabic,4,darkblue,bold,normal" bkcolor="sienna" bkimage="backgrounds/43.gif" border="outset,4,black" type=2 line=0 align=center use=sp num="0,black"]
لحظة قبل ماترحلين ويمتلي قلبي عذاب = لحظه تراني ماارتويت ولا خفت شوقي العظيم
يا أول غرامي بالحياه وانا على زهو الشباب = ياحلم عمري والامل الآن والماضي القديم
حتى وعيني كم تشوف مبرقعات وفي نقاب = لكنهن مثل الحلوم إن جات في الليل البهيم
الحب لول ثابت كالشامخات من الهضاب = ما حركه قوة زوابعها ولا لطف النسيم
وأنا مع الوافين وافي كل مازاد الغياب = ازداد شوق وحسرةٍ وابقي على عهدي مقيم
رجلٍ بلا مبدأ وصدق تقول عنه الناس خاب= لابارك الله في المنافق والمخادع واللئيم
يابنت انا من لابة فيها الوفاء مثل الثياب = يكسي فعايلها وتدرى جارها لوهو غريم
تطمني ماانتي على عشق الوهم ولا السراب =ولا مع رجلٍ حديث التجربة توه غشيم
ياماخذيت من الحياة أفراحها والاكتئاب = وياما تصافحني بكف البخل والكف الكريم
وياما درست بمدرستها مامعي حتى الكتا ب = وماهزني صوت الحزن فيها ولا الصوت الرخيم
إذاً تعالي من يقول الجرح من فرقاك طاب = إلا تزيد بي الجروح ولابقى شيء سليم
ياكود رجلٍ تنقل الخفاق ويزيد التهاب = لانك اغلى من سكن قلبي وخلاني اهيم
لاتحسبين انك سكنتي بس في حي الضباب= لا والله إلاّ بين ظلعاني وفي وسط الصميم
لحظة قبل ماترحلين ويمتلي قلبي عذاب = لحظه تراني ماارتويت ولا خفت شوقي العظيم[/poem]