بـــسم الله الرحمن الرحيم
هذا ماقاله الشاعر
ناصر القزلان عن غرابيل
الاهداء ..الى الرائع / سعد عبدالرحمن العتيبي والمنتدى ..
سلامي على الغالين في منتدى الابـداع
سلام الوفا يمشي على الرجل ليـن انـه
يجي للشيوخ اللي لهـم بالقوافـي بـاع
تعابيـر مـن نبـض المشاعـر يبثنـه
( غرابيل ) بيت الشاعر العاشق البتـاع
لـو اعطيـه كـل الاوسمـه مايكفنـه
لقيت الوفا والطيـب والنقـد والاقنـاع
لقيت الطريـق اللـي عيونـي يودنـه
خراب السفينه يوم تمشي بدون شـراع
تلاعب بها الامـواج والنـاس منجنـه
أنا جيت فاقد من شعوري ثلاث اربـاع
معي عود أغني سامري والعـن المنـه
الى جت هواجيس الهواوي تدك القـاع
كما طايرات ( الميـج ) مـرن ودكنـه
فلانيب ابن قضعان ولا الشاعر الملتـاع
ولا نيب حامد زيـد ولا شاعـر الكنـه
ولكن الى غنيت تصغـي لـي الاسمـاع
سرى الليل عذبـات القوافـي يسوقنـه
أشوف الترزز عيب ياحضـرة الطمـاع
بنات الجزيـرة كـل ابوهـن يشوفنـه
أدور القرايا والمدن وادرس الاوضـاع
نديـم الليـالـي والليـالـي يلوفـنـه
الى شفت عرض السوق ناديت للبيـاع
أبي نـص كيلـو قـال ماعندنـا منـه
تفاهات نسقيها وتنبـت لنـا الاوجـاع
سلكنا طريـق النـار وارتاحـت الجنـه
لو ان الجماعه حددوا فتـرة الارضـاع
غدا الورع يشرب من حليب أمه السنـه
يقولون ضاع الود قلت الامـل ماضـاع
( غرابيل ) فن .. وخاب من لاعشق فنه
مو بس مبدع الرجل هذا
مع تحياتي
[poem=font="Arabic Transparent,7,blue,bold,normal" bkcolor="transparent" bkimage="" border="none,4," type=1 line=0 align=center use=ex num="0,black""]
رد مع اقتباس
-new.gif)
