اخواني واخواتي من مشرفين وعضاء
وزوار هذا الصرح الرائع
اليكم هذه القصيده المتواضعه عسى ان تكون
عند حسن الظن والعذر والسموحه في القصور
[poem=font="Simplified Arabic,5,red,bold,normal" bkcolor="transparent" bkimage="backgrounds/11.gif" border="double,4,gray" type=2 line=0 align=center use=ex num="0,black"]
مرحبا عداد نبت النفل والياسمين=وعد من صلى ومن صام وأدى للزكاه
وعد مايكتب على الطرس من جيمٍ وسين=وعد نجمٍ شع نوره وبيّن في سماه
وعد منهو طاع ربه وطاع الوالدين=وعد مزنٍ لاح برقه وطب القاع ماه
بالرساله يوم جاني لها صوت ورنين=اشهد إنها علة القلب وايضاً هي دواه
لأنها من شخص غالي وله قدرٍ ثمين=كل يوم يزيد حبه ويتمكن غلاه
لاكتب لي حرف كنه كتب لي جملتين=وإن كتب جمله قصيدي حضر واعلن ولاه
وصفت إهجوسي طوابير قدمي اجمعين=وقالت آمر وش تريد وتمنى من مناه
قلت ابي عسر القوافي وعاصيها يلين= إن مشت بالطيب وإلا بالامر وبالعصاه
وإحضرت كل القوافي وقالت طايعين=طب وإختر قلت ابي ياهجوسي ذا وذاه
وإنتقيت إجزالها خوف نقد الناقدين=الرجال اللي تميز جزيله من رداه
حيث جل الناس في هالزمان مثقفين=يكتبون الشعر وإلهم تفنن في أداه
ياحبيب القلب وين إنت غايب وين وين=الوله والشوق والهم ولّع بي لضاه
إتق الله في حبيبٍ طعنته طعنتين=طعنةٍ في وسط صدره وطعنه في قفاه
وإستبحت افراح قلبه وخليته حزين=مايعرف من الفرح كود إسمه لاقراه
ماجداه الا التوجد وتلحين الونين=حتى صار أفضل ملحن على آهي وآه
يسهر لحاله وكل الخلايق نايمين=وإن غفى يدعيه صوتك ويتجدد عناه
يحلم إنك تزهم إتقول وينك ياحسين=ثم يصحى من منامه ويصرخ هاه هاه
ويتلفت عقبه إيسارٍ وخلف ويمين=مايشوف إلا جدار وصور بذت خفاه
وتستلمه إهمومه اللي معاه مناوبين=لين نور الفجر يطلع ويذن للصلاه
بعدها تسلمه مثل تسليم السجين=للتعب والضيق وأشغاله اللي فالحياه
وإنت سالي في حياتك ولاهمك ظنين=خل في قلبك موده وخوف من الاإله
قبل لاتخسر حبيبك وتبكي كل عين=حينها ماينفعك عض الاصبع والشفاه
الهوا أخذ وعطى في سلوم العاشقين=إنشد اللي ذاق مره وقدم لك حلاه
وفالختام أبختصر قصتي في كلمتين=اما حبٍ يرفع الرأس وإلا يابلاه[/poem]