المشاركة الأصلية كتبت بواسطة مرزوق بن دحيم
يابون
[poem=font="simplified arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا بون ياعشق السحاب الملاقيح=اللي على غرتك قام يتثنا
غرٍ فجر صدره على شانها الريح=وأشتالها فالكون منا ومنا
يضمها ضمة قلوب المجاريح=اللي من الاشواق دايم تونا
يا بون فأحظانك شروق التباريح=وبيداك جنه بالجمال أتهنا
لكن فلساني عن الوضع توضيح=ماجوك بجوي ولو فيك أهلنا
أنا ربيت بنجد دار المفاليح=ارضي وعرضي والسنين أشهدنا
تصرف لتاريخ البطوله تصاريح=وتسجل الامجاد سيرة وطنا
أقلوب الامه في هواها مشافيح=كم عاشقٍ في نجد قام يتغنا
صحراء تقف من فوقها الشمس وتطيح=ولا طاحت من إقلوبنا يازمنا
نسمة هواها لو علاها لوافيح=إن لامست بعض القلوب أجذبنا
لا شفت للفجر المبكر تلاويح=سجيت وهموم الليال أنكفنا
ألقابها عن ضيقة الوقت تفريح=ويلقى بها المحروم ماهو تمنا
عذراء وأطايبها من الورد والشيح=وكفوفها من كل طيب أتحنا
تحجبت بالليل يوم المصابيح=نجوم ربٍ في سماه أعتلنا
نجد الفخر فيها للأمجاد توشيح=وفيها وناسة كل منهو معنا
غطّت على أوربا ولا فيه تجريح=وماديره إلا نجد مهما رحلنا
تملك لبيبان السعاده مفاتيح=هذا الصحيح وردو العلم عنا[/poem]
مرزوق بن دحيم
*بون= مدينه تقع في المانيا