[align=center]
أوجزتها لاجل الدلالة وجيزة
في زبدة الهرجة ولا فيكم اقصور
لا عاش ودّ(ن) ينتظر قص فيزة
ولا مات حب(ن) يظهر بفجة النور
.
.
.
.
.
يتندر البعض بحب الأم وتقديس طاعتها ويحسبونها قصورا في شخصية الرجل أمام زوجته فخرجت مني هذه الابيات المتواضعة عفويا وأرجو أن تحوز على جزء من ذائقتكم [/align]
[poem=font="Arial,6,darkblue,normal,normal" bkcolor="white" bkimage="" border="outset,8,skyblue" type=2 line=1 align=center use=ex num="0,black"]
انا (ولد ماما ) عساها لي اشروق =وابوي له حقّ وعليّ احترامه
يابنت ما ني جاهل (ن) غـِرْ مصفوق=ما ني بتابع ( الامّعي ) والنعامه
ولا بالامرد مثله الغنج في السوق=لا فرق عنده في حلال وحرامه
يا بنت انا لي دين وسلوم وعروق=متربيّ (ن) في بيت عزّ وشهامه
كاري وفا والجود والطيب مرفوق=وعقــّب الله شارب أهل الرخــــا مه
الرجل زِينه دِينه وكلّ مخلوق=لا بدّ يذكــر هول يوم القيا مه
دمتم ودام عزكم يا هل الذوق =هذي علومي وافهمي يا حمامه
وختمها سنا مخيلات وبروق =صلاة ربي عد وبل الغمامه
على راعِ الهدى كما الصبح مفلوق=الهاشميّ محمد اهل الكرامه [/poem]
[align=center]عبدالرحمن الجبابرة [/align]