مساءكم سكر :
مرت على الرحلة سنه وأنتي ولا انتي تذكرين
معقول في اخر لقــــا مــابيننا مــات الغــرام
معقول ماهـز الحـزن شي من الحب الدفـين
ولاتذكرتي عيــون اللي تولع بك وهــــــام
أما انا يابهجــة الايـــــــــام ياطــعـم السنـين
من يومها ماارتاحت اشواقي ولاعيني تنام
اسهر واحسب أنك معي على طيوفي تسهرين
ومن الوله كن الثواني بيننـا مليــون عـام
ماكنت اخاف الا اني انسى الحب وانتي تزعلين
واكبر من الخوف اهتمامي فيك كان الاهتمام
كنت أحترق مثل الورق والهم بعيوني يبين
يمكن عشان اكتب شعر يصبح على قد المقام
والشعر يبقى لك ولو كبرت حضاراته مدين
يكفيه لامنه وصل سمعك وقلتي له (تمام )
ويكفيني من هذا الزمن ان الحزن فيني سجين
ويكفيني فخر ان الوفا اصبح على صدري وسام
ولاّ انتي ياسر إنتمائي للهـــوى دنيا ودين
محبتك مع اللحم والدم فيني والعظــــــام
ياوردة غطت على سحر الزهر والياسمين
ويارحلة بين المشاعر تستحق الاحترام
ياعالمٍ أقرا طيوفه في عيون المعجبين
ويامعجزة من نورها غابت تفاصيل الظلام
ياحلم يأخذني معه الى سؤال انا لمين ؟؟
ويابدر مايحجب ضياه الليل ويدين الغمام
اشوفك بكل الجهات من الشمال الى اليمين
ولك أمسية في كل ليلة داخل الخافق تقام
كنت اتمنى يالمنى قبل الهوى وضعه يشين
أكون لك اقرب من الأنفاس أو حتى اللثام
وهذا انتي من بعد الغياب ورحلة العمر الحزين
مامر في بالك ابد ذكراي يااغلى الانام
لك قلب لولانت جبال الارض لايمكن يلين
ماله ورى هذا الهوى أهداف غير الانتقام
من يوم اصدر حكمه أذهب في عداد التائهين
ماصارت الدنيا تساوي في حساباتي جرام
أنا انولد في داخلي طفل يسمونه حنين
وأنا الذي علمت عشاق الهوى أحلى الكلام
عذرك ولو قلتي وبررتي ماهو عذر سمين
ماينبني بيت الغلا اذا الجفا كان الختام
نهاية الواقع تقول واقول يالدر الثمين
ماعاد به قول جديد الا ( على الدنيا السلام )
رد مع اقتباس
[/align]
