افكار افكار هياا يا شطار افكار افكار هيااا يا شطار ؟؟؟؟ افا الموضوع بدايتة مبزرة
جلست اقلب راسي وانا محلق على الموس ومصبعي في خشمي واحك فية مخي وطرالي اكتب موضوع عن البزران ومواقفهم المغربلة وعلى مختلف فئاتهم السنية ودرجة الشباب والناشيئن والاولمبي .. اني في سبدي شي ابى اقولة من زمان بس محد حس فيني ابي اعرف من يومنا بزران وانا نشوف عدنان ولينا وكل سنة وهم يعدونة ابي اعرف الحين عدنان يحب لينا والا هو بس يبي يتسلى معها وقلبي يقول عبسي عارف
شي ويبي يقولة من اول الحلقات باللة الى عندة علم يعلمنا ونرتاح ...
البزر من سنة حتي اربع سنوات:اول مايجك البزر وهو توة بغبارة ماغير فاق فمة من الصياح والزعاق تقول واحد ماخذ شي منة ويبة يعطهياة
ولا مايسكت الا بمصاصة اذكر يومني دادة كانت امي تسكتني بمسواك نعناع مهوب ذا التليان اللة يخلف عليهم
ولا بعد اذا حسيت اني ابسويها ارفع يدي على طول تقول واحد يطلب تغير من مباراة حاس انة مو قادر يتحمل
من البلاوي الى فية .. خلونا ناخذ البزر وهو بادي يتدربا كنة قرش على سراميك والسعابيل تصب من تحت ومن
فوق تقول انة جالس يفرز حامض نوووي من الحماس الزايد الى هو فية ..وان كانة وش احليلة مسح بلاوية في طرف كمة من دون محد يحس فية مسوي فيها ملكع ..
انا ودي افهم وش الهدف من القرقوشة في يد هالبزر الحين ماغير يقرقش فيها وصاجنا وصاج نفسة ويا مدخلها في فمة ويا مطلعها تقول عسكريمة ..انا مرة شفت بزر جالس يمص عسكريمة ويوم خلص بقت الخشبة ودخلها في فمة وجاك ركض يم امة وهو يقول بعيونة شفتي ماجاني لووووز هيييييه.ياكذبي بعد كذباة..
للحفايظ مواقف .الحين انا ابفهم ليش عجزنا اذا راحو السوق قشوا البناطيل والترنقات الضيقة واذا لبسها الواحد مع الحفاظة وقام يمشي فيها ويتخضخظ .وعيونة تدمع من الحرارة اكيد بيجيك سؤال في ذهنك وتقول انة مسويها على نفسة والضعيف مالة من الشيطان طاري .
ولا الحريم زعاق في الصالة ياااا حصيص شوفي ولدس خيسنا وتراة اروح فينا . موقف غير انساني وترمي كل الفصص الى جمعتة من اول الجلسة في يدها همن هجوم بالضرب والتكفيخ لين يطرش كل مافي بطنة ..
البزر من خمس سنوات الى ثمان سنوات مع مراعاة فارق التوقيت لجميع المحافظات:
زمان اذا جاء عقب العصر كل واحد فينا دهنت راسة امة وفرقتة على اليمين و طق الثوب ابو غالوقة ملونة ورجعت الطاقية لة امة على وراء .....وقام و لطخ راسة بالكريب (الكريم) ودق الشخص ودهن يدية ورجلية بفازلين اصفر ضد التصدع والخدوش والمشق ولاتهون التشلخات الجلدية في الخديدات وخاصة ايام البرد . تجمعنا عند اقرب باب توة مصبغ ومكتوب على الجدار وحداني ياااهوة . عشان من مر وصورنا يطلع شي في الصورة زين
اقول الشمس في روسنا والكريب سايح والذبان ماغير يدور تقول طيارة مضيعة المدرج وعندها هبوط اضطراري . وقبل لايذن المغرب يزين لعب الكورة بليس راكبهم الملعين ..واذا جاء عقب المغرب جوك ركض عند التلفزيون لزوم متابعة مسلسل بدوى عشان يزرع فية اصالة العروبة والتخصصي والشميسي واذا جاء وقت النوم قاموا يدهنونا بفازلين محلى ويربطون في خياش لين نخمر .....
البزر من تسع الى ايام المراهقة وهذي على حسب بنات الحارة :اول مايطلع للواحد ريش قام وشراء لة سيكل وزبرقة بالشطرطونات والريش وخذ كل وقتة ماغير كل ماراح وجاء مسح كفراتة ببسيي. وبدا يجمع في الاغاني الى كلها طقطقة وحب .. وبدا يمتر الحارة في النهار ويتشوف للحبيبة . حتي انة كل ماقعد مع امة قال لها يمة ابي اعرس انا احب بنت جيرانا جعل الحبة تلقط الى انتم خابرينها
؟؟؟؟؟ وبدت مرحلة التتن عند البقالات وفانتا في اليد والكحكحة واصلة اخر الشارع ماش الصدر رهيف توة ماجار علية الزمن .والمشكلة انة ماغير يدور بالرقم في مخباة واذا جاء يرد على تلفونهم في البيت ضربة ابوة على يدة لينها محمرة تقول مقفى قرد ..
انا مودي اكثر عليكم الكلام حبيت انقلكم معانتي في عالم المبزرة وعالم المشق وكل هذا الي قلتة من معاناة عاصرتها في زمن الطفولة الللة لايعيدها ........ ولكم هذا المثل الي يقول الباب الى يجي منة المشق دهنة واستريح ........
رد مع اقتباس
