اليكم هذه القصيده المتواضعه من قصايدي القديمه امل ان تنال اعجابكم
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راكب اللي من جمالـه يسـر الناظريـن =فيه هيبة للسيـادة وبـه هيبـة جمـال
من جمالـه لـك بكـرة فلكـش استبـنتين=المزايـا فيـه فاقـت تعابيـر الخـيـال
ياصل اللي دش حبه بقلبي مـن سنيـن=حبها فـاق الكواكـب وحبـات الرمـال
ضامر سرجوفها والنحـر بـه بيضتيـن=والمعنق عنـق ريـم معـاود بالجفـال
جادلٍ من ميزة الصيـد فيهـا ميزتيـن=ميزة الريـم المذيـر ولفتـات الغـزال
وفيه من ورك الكحيلة وللشيهـان عيـن=وفيه من عرب الأباكير وصفٍ ما يقـال
والله إنك في المزايـن حـرام لتكسبيـن=في البنات وفي المغاتير والشعل المتـال
مانبي كلمـة "مليكـة جمـال المسلميـن"=في عيوني واكتفي فيه يابنـت الرجـال
ميزك ربي مع الخلـق والأخـلاق ديـن=والجمال اللي بلا ديـن مايسـوى ريـال
يكفي إنك بنت قـومٍِ يحطـون السميـن=يوم لأهل الطيب والطيب في الساحة مجال
واهني اللي سمع مـن لسانـك كلمتيـن=لفظها يحيي المشاعر ومسمعهـا حـلال
وآهني من حط يمناه فـي يـدك اليميـن=إن جلس وياك وإن راح مايسأل سـؤال
أشهد إن الناس تبلـى وأهلهـا ظالميـن=الكحيلة كيـف تربـط وتشبيهـا البغـال
ومن بعد حطوك يابنت فالحصن الحصين=فزعتي مادونهـا غيـر لا قلتـي تعـال
وكان أنا ما أوفيت بالعهد مني وش تبين؟=فوق رأسي يا أشقر الرأس ما أحط العقال [/poem]