[poem=font="Simplified Arabic,4,purple,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اشوف وجه الحزن يا سيدي سافـر=تبي الصراحه فراقك صعب تصديقـه
ياشيب عيني من الاحزان يـا باكـر=وشلون ابا اصبر على الايام والضيقه
دخيلك ازعل تدلـع بـس لا تسافـر=ابك انت طاري غيابك شي مااطيقـه
نارالموادع عـذاب وجمرهـا كافـر=وجه الصحاري يباس وحل تغريقـه
صعب انحني للضياع وصعب ابكابـر=لاخان دمعي عيوني كيف ابا اعيقـه
ماعاد للذنـب رب ومالـه الغافـر=ابا اجمع شتات عمري عقب تفريقه
اروض الوقت لكـن مانـي بقـادر=قفت سنين العمر واقفـت مواثيقـه
ما بالمساء غيركثرالهـم يالصابـر=وقلبٍ يهد الضلوع بكثـر تصفيقـه
اسمع بعوج الحنايا هوش ومعافـر=يكفـخ خفوقـي وتلنـه معاليـقـه
يردني صوب ذنبـي حظـي العاثـر=واردهـا للزمـان وقـل توفيـقـه
يا صبح ليلك حزين ويكسر الخاطـر=ما ينعرف وين تغريبـه وتشريقـه
بينه وبين الحزن والمهـره النافـر=طيرٍ زبن للسماء واقفـى بتحليقـه [/poem]
رد مع اقتباس
المشاركة الأصلية كتبت بواسطة أبوعبدالرحمن
