واعيني الي كل ما هب نسناس

[عبداللطيف الشمري]

السلام عليكم ورحمه الله وبركاته

اتيتكم بجديدي عسى ان تقبلوه ولا استغني عن ارائكم وانتقداتكم


[poem=font="Simplified Arabic,7,black,bold,italic" bkcolor="transparent" bkimage="" border="solid,6,black" type=2 line=0 align=center use=ex num="0,black"]
واعيني الي كل ما هب نسناس = هلت ادموعه مثل وبل السحايب
مع هبته تزايدت حر الانفاس = وزادت مع شهقات وزفر ونحايب
تطري على مع هبته حمر الطعاس = وضلعٍ على راسه { ردار} العجايب
حايل تطري كل مهاب نسناس = وتطري معه اعلوم وقوم ومنايب
حايل سكن به كل صقرٍ وقرناس = حايل نيشان كل شهمٍ وصايب
طيبه هله زادت على جمله الناس = ولا اقول انا عن باقي الناس عايب
شمر هله علت على الاجناس =ما اظن تلقا منهم بالطيب خايب
كلن فتح بابه وماله للفلاس = ما حسبوا للقرش هو حاضر وغايب
لا وهني منهم بحايل جلاس = ولا هوجسوا يومٍ بذكر الحبايب
لكن هذي الدنيا نحسه ومنحاس = ما تصطفي يومٍ لمليك ونايب
وختامها اوصي بدفتر وكراس = عن حب حايل ماني ابد تايب
واصي بعد موتي ادفن بالاطعاس= وظلعه على قبري عظيم النصايب[/poem]
اخوكم // عبداللطيف الشمري

[أبوعبدالرحمن]

طيبه هله زادت على جمله النـاس
ولا اقول انا عن باقي الناس عايب
شمر هله علـت علـى الاجنـاس
ما اظن تلقا منهم بالطيـب خايـب


ونعم بك وبشمر


وصح قلبك وكلك ياعبداللطيف


تحيتي لك

[النوري]

عباللطيف الشمري

حايل سكن به كل صقـرٍ وقرنـاس
حايل نيشان كـل شهـمٍ وصايـب
طيبه هله زادت على جمله النـاس
ولا اقول انا عن باقي الناس عايب

ولااقول انا في باقي الناس عايب

يمكن كذا انسب؟

أرجو ان تتقبل مداخلتي
وأتمنى أن تصل لما تطمح إليه..
وأتشرف بالمرور عبر قوافيك

مع شكري....

[عصفورة الحب]

عبـداللطيف الشمري



صـح لســآانك وعـلآا شــآانك



مبـــدع ورربي



.. لآاهنت يالغالي ..

[عبداللطيف الشمري]

؛
؛

صح بدنك ابو عبدالرحمن وما عليك زود
ومشكور على ها المرور الخفيف

[عبداللطيف الشمري]

؛
؛
النوري لا عدمناك وسلمتي على التعديل
ويشرفني متابعتك لي وللقصيد واتمنا دوام المتابعه والتعديل ان استطعتي
ومشكوره

[عبداللطيف الشمري]

؛
؛
عصفوره الحب صح بدنكي يالغلا
وسلمتي على مرورك الخفيف

[احمد مناحي]

عبد اللطيف الشمري

هلا بك وغلا

القصيده من حيث المضمون جميله ولكن لي بعض الملاحظات على الوزن لو سمحت لي بها :

واعيني الي كل ما هـب نسنـاس
هلت ادموعه مثل وبـل السحايـب
مع هبته تزايـدت حـر الانفـاس
وزادت مع شهقات وزفر ونحايـب

في العجز هنا كسر ولو انك قلت :
زادت معه شهقات زفر ونحايب لكان اقوم للوزن ..

تطري على مع هبته حمر الطعاس
وضلعٍ على راسه { ردار} العجايب
حايل تطري كـل مهـاب نسنـاس
وتطري معه اعلوم وقوم ومنايـب

وهنا ايضا في العجز كسر ولو انك قلت :
تطري معاه علوم قوم ومنايب لكان افضل ..

حايل سكن به كل صقـرٍ وقرنـاس
حايل نيشان كـل شهـمٍ وصايـب

وهنا ايضا كسر في العجز لو انك قلت :
حايل سكنها كل شهم وصايب لكان افضل ...

طيبه هله زادت على جمله النـاس
ولا اقول انا عن باقي الناس عايب

هنا ايضا كسر في العجز ولو ا نك قلت كما قالت الاخت التي سبقتي :
ولا اقول انا في باقي الناس عايب لكان افضل ...

شمر هله علـت علـى الاجنـاس
ما اظن تلقا منهم بالطيـب خايـب
وهنا ايضا كسر في العجز ولوانك قلت :
وما اظن تلقى في هل الطيب خايب لكان افضل ....

كلن فتـح بابـه ومالـه للفـلاس
ما حسبوا للقرش هو حاضر وغايب
وهنا ايضا كسر في العجز ولو انك قلت :
ماحسبوا للقرش حاضر وغايب لكان افضل ....

لا وهنـي منهـم بحايـل جـلاس
ولا هوجسوا يومٍ بذكـر الحبايـب
المره هذه الكسر في الصدر لو انك قلت :
لاوهني اللي بها دوم جلاس لكان افضل ....

لكن هذي الدنيا نحسـه ومنحـاس
ما تصطفي يـومٍ لمليـك ونايـب
وهنا ايضا كسر في الصدر لو انك قلت :
لكن هذه الدنيا نحيسه ومنحاس لكان افضل ..

وختامها اوصـي بدفتـر وكـراس
عن حب حايل مانـي ابـد تايـب
وهنا كسر في العجز لو انك قلت :
عن حب حايل مير ماني بتايب لكان افضل ...

واصي بعد موتي ادفن بالاطعـاس
وظلعه على قبري عظيم النصايـب
وهنا ايضا كسر في الصدر لوانك قلت :
اوصي بعد موتي ان ادفن بالاطعاس لكان افضل .....

هذا ما لاحظته واحببت ان اوضحه لك عسى تتقبله بصدر رحب وهو لايلغي ابدا شاعريتك وحسك الشعري الجميل لكن ربما يحتاج لك بعض التمرس والخبره التي ستاتي بالاحتكاك مع اخوانك الشعراء الذين سبقوك وهم كثره ولله ا لحمد في هذا الصرح الشامخ ...

اشكر لك ثقتك في نفسك في طلبك للنقد ..

تقبل مروري

[عبداللطيف الشمري]

؛

؛
اخوي احمد مناحي الشمري بارك الله فيك وفي رايك وجزاك الله كل خير
واشكرك على نقدك البنا للقصيده والله يعطيك على قد نيتك
ومشكور وعساك دوم من المتابعين والناقدين لقصيدي

[مضحي السميري]

عبد اللطيف



صح السانك


دمت بخير