ودنا بشاعر ٍ جيّد .

[قادح شـرار]

ودنا بشاعر ٍ نبغي نداقش معاه === شاعر ٍ جيّد وفي كل ماقف قـوي

يكشف الجرح ثم إنه يقرّب دواه === ويحذر الذيب لاسمع الذياب اتعوي

[طراد]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ودك وودي وكلن يدور هواه=مير لابد واحد يالعميل يهوي
والله اني طبيب الجرح للي بغاه=كان تبغى حجام وكان تبغى كوي[/poem]

[طراد]

ياعميل الخير
استاذنك ساعه وارجع لك

[قادح شـرار]

جيت يالشاعر اللي ما يميز خطاه === مير أبشويك لين تحس حر الشوي

يا طبيب العرب ما عاد عندك نجاه === طحت في وسط حاره دربها ملتوي

المعذرة على التأخر فالرد , كنت أتعشى ياخوي .

[عبدالله حنيف العتيبي]

الله الله ..

صحت السنتكم ..يامبدعين ..

متابع..بترقب ..

[محمد ابن براك العطاوي]

[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياسلام ياقادح شرار متميز كعادتك =
صح لسانك وانا في صفك ولايهون طراد =[/poem]

[طراد]

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
العمى ضيع ادروب العرب من عماه=مير مايستوي عقل الخبل والسوي
دربك الملتوي نقص(ن) على اللي مشاه=وكان تبغى النقيصه روح دور خوي[/poem]

[قادح شـرار]

شاعر ٍ يوم شاف النار عوّد وراه === لا تعود وخلك فوق دربك سوي

شفته ايرد سيفه يا عرب في خباه === يا جماعة تروني ناوي ٍ له نوي

[ماجد الرويس]

الله الله

صح لسااانك ياقااادح والصف دبل وثري

الداب

الداب


وصح لسااان طراااد

تحياتي

[طراد]

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ابك حنا حرار الجو وانت القطاه=وان بغيتك طويت الارض فوقك طوي
ماقنيت المهند للحفاه الرعاه=وانشد الشاعر ابن حنيف قبل اتغوي[/poem]

[قادح شـرار]

كان جاتك ضليمة روح عند القضاه === قلهم حدني فالدرب شخص بدوي :مزون:

كيـف أبنشد عتيبي والعتيبي نسـاه === روح دور شهادة عند رجل بلوي


رجل: بمعنى شخص بلوي . عشان فيه أناس يقرون غلط.

[طراد]

[poem= font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
راح يرثع مع الوادي ولا له سواه=نوب نوحي ونين ونوب نوحي صوي
قلت ليته وجعله عل قلب عساه=مير بانت وبان الخافي المنزوي[/poem]

[طراد]

اشكر كل من مر على هذه الصفحه
وصحت السنتكم جميعا

قادح
صح لسانك
وتصبح على خير

[قادح شـرار]

جاه سيل ٍ مع الوادي وغطى جماه === ذوق من خير ربي لين ما ترتوي

إنتهى الدرب كل ٍ عارف ٍ مستواه === يا جماعة تعشيت العشا المستوي


أخوي طراد : صح لسانك ولافيك قصور . سرا الليل وأقترب الفجر . وختامها عندك يالذيب

[قادح شـرار]

ابن حنيف العتيبي: صح بدنك , ونورت الصفحة بمرورك .

ابن براك العتيبي: التميّز بصير بمرورك بالصفحة , وصح بدنك , والصف يتشرف بمثلك .

عبّاث : صح بدنك يالذيب , وينك يا مسلم تطوّل الغيبات .

قسم المحاورة منتدى غرابيل : أهنئكم بشاعر جديد وفذ مثل الأخ طـــــراد .


مشكووووورين يالغالين على المرور .


أخوكم/ قادح شرار.