كيف حالكم شباب وصبايا ؟
ماعندي الا سلامتكم والقصيدة هذي حبيسة الأدراج والمنتدى أولى فيها ..,
أتمنى أن تليق بذائقتكم ,,
[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
التفت بالهون واسمع ياملاك=ودي اسولف على كيفي وأقول
ايه أحبك موت "واتنفس هواك"=والعمر وياك ياليته يطول
أبتديت العشق الاول من غلاك=أسبق الخطوه وأجيك أركض عجول
مادخل قلبي من العالم سواك=وحدك الغالي وفي قلبي تجول
اخجلت شمس المحبه من سناك=والقمر من كامل أوصافك خجول
أرضك أرضي والسما عندي سماك=ياشتا عمري ويا كل الفصول
اطلب عيوني وانا كلي فداك=وأعتبر ماتطلبه عندك وصول
لو يغار الورد الاحمر من شذاك=من يلومه لو تهادى للذبول
ياحسين القدّ جيتك بارتباك=رجفت الكفين مافيها ذهول
الكلام العذب مايلحق مداك=حسنك الجذاب يثّر بالعقول
الحلا والزين ياعمري زهاك=لو يضيع الوصف حسنك مايزول
واللــــه المعبود سبحانه عطاك=امتلكت الزين في كل الميول
ثغرك الرمان والموت بشفاك=من حلاك الرمش لاسلهم كسول
لمني بشويش وأنثرني معاك=واسأل الخفاق يعطيك الحلول
ماسكن بالقلب وعروقي سواك=ياشتا عمري ويا كل الفصول[/poem]
[align=center]أخوكـ فيصل العتيبي ـــــــــم[/align]