ღღღ لقاء مع عوانـــس>>سيرة الحب مع فش فاشه الدريعღღღ

[فوووووشي]

[grade="00008B FF6347 008000 4B0082"]السلام عليكم.... كيفكم يااخوات

اليوم راح يكون اسلوبي غير....ولازم يكون غير لان لقاء مع شريحة من المجتمع >>يا شينتس وانتي تهرجين هالهرجه

<<<لابسه حجاب وحاطه جنبها شمعه حمرا لسرة الحب.[/grade]..

[grade="00008B FF6347 008000 4B0082"]الساعة العاشره والعشرين ما بعد منتصف الليل ...دخلت شهار الطابق الثمانطعش قسم العوانس جناح الحالات المستعصيه >>اقووول بلا فلسفه زايده..

قررت اسوي لقاء حصريا لبرنامج سيرة الحب :هاها: مع العوانس :[/grade]

[mark=FFFF66]اللقاء الاول[/mark]

[grade="00008B FF6347 008000 4B0082"]انا :آنسه عانس ممكن تفتحين لي قلبتس وتقولين لي عن معاناتس ؟؟

آنسه عانس : أنا بفتح قلبي (الصندوق الاسود بطلع لك المفآآآجات)>>>مو مفاجات دبي غير

عندمااااا تشقق الصبح الباسر مع تغاريد الغربان ونفحات القايله الحاره ...صرخات والدتي

صمخت اذان النيرسات لتعلن عن مجئ فتاة جميله تشبه القوريلاااا ...اووووه اقصد القمر في ليلة خسوفه ..اسمها عمشه

انا : اقاطعها واقوول اخلصي وقولي لي ليه جيتي لشهار ؟؟>>ما فيها ذرابه

عمشه : عمن يعميتس وش هالسؤال يالمخيسه .. انا عانـــــــس [/grade]

[grade="00008B FF6347 008000 4B0082"]انا :يوجع بطنس يالسلقه لعنبوا بليستس ما اعرستي المفررروض الحين معك شلقة ورعان وزوج يطامر بتس من مكان لمكان

عمشه : اهي اللي تضحك مره وتصيح مره .كنت بعمر الزهور والخطاطيب طوابير على باب بيتنا >>العجيز تتحلم

وكان الشايب اللي اهو ابوي يقول خلوها تكمل دراستها . وانا اللي اخلص خامس ..وانتهي من الثانويه وادخل

الجامعه واحظر الرساله وصرت دكتوره قد الدنيا .. ومحد طق بابي ..وكانوا هلي وقتها ما يدرون الفرصه ما تجي الا مره بالعمر >>احلااااك يالمثقفه

أنا : كيف كنتي تقضين ايامك قبل لا تجين لشهار ؟؟عطيني قصتس من النهايه وبلا فلسفه

عمشه : بعد ما طوتني السنين وعمري صك الطبلون ...وقلت مالي الا ولد جيراننا اللي عمره خمس طعشر سنه احبه

وانا اللي اجلس عند النافذه ليل ونهار . واقرا ذيك الروايات الرومانسيه ..والوح عليه كروت حب وغرام [/grade][grade="00008B FF6347 008000 4B0082"]لجا يروح للمدرسه

أنا : اكتم الضحكه>>ما تجامل ابد ,,,استحي علي وجهتس تحبين واحد كبر ولدتس ؟؟

عمشه : الهوى ما يعرف صغير و كبير ..لأن بالبيت اخواني والله طفشوني وين ما اروح العانس العانس

عاد بيني وبينتس وهم صااادزين>>> لعنبوا بليستس يا الجنية محد خطبتس. المهم يا اوخيتي العزيزة قلت مالي الا المزيون ولد جيراننا اقضي باقي العمر وياه..

أنا :متى قرروا هلك يجيبونتس لهنياء؟؟

عمشه عمن يعميتس لا تذكريني باللي شفته ..لمن زادت حالتي وشافوني هلي متعلقه بالشباك وجالسه اقرى في ذي الروايااات .. ومن احد يقرب لجثتي اركب عليه واشمخه بعينه

انا : وش مواصفات زوج المستقبل :

عمشه : ابيه رجال حر ذكر مقيم يقدر الحياة الزوجيه ويشبه توم كروووز.>>اقوول خيسي بشهار محدن ملتفت عليتس

انا : اللي اطيح براسي يمين وشمال ينقالي متابعه معها .. وانا رايحه بستين نومه[/grade] [grade="00008B FF6347 008000 4B0082"]>>>وانتي من اللي قاص عليتس

وقالتس سوي معهن مقابله ..هي بنص سالفتها اقاطعها واقول لها قومي عند الشباك خليني اطق لتس صوره تذكاريه


[/grade]














[mark=FFFF33]اللقاء الثاني [/mark]

[grade="00008B FF6347 008000 4B0082"]انا : ادخل الغرفه الثانيه .. وما اشوف فيها الا سرير فاضي ..>>انواع الخوف بوجهي ..قلت يمكن المريضه متخفيه

واسأل النيرس واقول لها .. وين مدام عانس اللي كانت هنياء ؟؟

النيرس : هازي مدام ما يطلع من همام ..( كرم الله السامعين ) وتقول بطن مال هيا واجد خربوطه:هاها: من يوم زوج في طلق ..

انا : اللي ادخل الحمام واشوف هالمدام حاطتن صابونه لوكس برجلها اليمين والرجل اليسرى جالسه تدف نفسها بها [/grade]..

[grade="00008B FF6347 008000 4B0082"]وانا مسكت بطني من الضحك .. قلت لها خير الاخت عايشه بلندن اقول اطلعي لافقع وجهتس بهالصابونه

مدام عانس : اانواع التخيزر بخشتي وتقول لي جعلتس الماحي وش تبين ؟؟

انا : ليه جيتي لشهار ؟؟

مدام عانس : وهي اللي تنفخ علي وتصارخ .. وتقول لا تذكري سبيكه باسود الفعايل >>تقصد زوجها

انا : احلااااك اسمك على الموضه>>اي هين ...طيب وش سوى فيتس اسود الفعايل ؟؟

سبيكه :يا خراشي تطلقت من ثاني اسبوع من العرس ... وكل ما يشوف وجهي يتعوذ من ابليس ويقووول لي :

لا بوههها من خششششششه كل يوم مقابلتني !!

انا : يا حرام ليه اللي ما يستحي على وجهه يقول عنتس كذا [/grade].. [grade="00008B FF6347 008000 4B0082"]طيب انتي وش تسوووين له ..؟؟

سبيكه : اصحى من النوم واقوول له صباح الخير زوجي العزيز ..ويلتفت علي بانواع التحطيم ويقوول لي :

انا وش سويت بعمري عشان اصير زوج لتس ! >>مو جاي يستوعب ان هذي مرته الصدزيه!

يالعبده شوفي وجهتس اللي كانه نيقيتيف .. ! !

انا : وجهي مليان قهر على زوجها المخيس ..اقوول لها :والله انوووه ما ينلام ليه ما تزينتي لوووه مثل العالم والناس ؟؟

سبيكه : انا جمالي طبيعي ما يحتاج لي زينه ..>> من شاف وجهتس باول النهار ما استبشر تالي الليل..

انا :انتي وش سالفة امتس احد تساذبن عليتس وقايلن لتس انتس تشبهين هيفا وهبي ونانسي عجرم >>>لعنبوتس هذره ماتعرفين تبلعين لسانتس

سبيكه : اصلا هيفا ونانسي وانتي يالدوووبا كلكم تغارون مني <<-- انتي وش سالفتتس فيتس انفصام بالشخصيه يوم كل الناس يغارون منتس !!

وبعد ما طلقني اسود الفعايل .. قمت اعيش بالحمام (كرم الله السامعين ) واتزلج على الصابونه عشان الهي نفسي وانسى .. لمن شافوني هلي ودايركت لشهار

انا : وش مواصفات زوج المستقبل [/grade]

[grade="00008B FF6347 008000 4B0082"]سبيكه : ابيه حلوو وسيم .. وعندووه قصر بحي الحزام الذهبي ويشبه عمران عباس <<اللي بصورة مازن الرمزيه

انا : شكل حالتس مستعصيه وميؤووس منها تعالي خلني اصورتس بزاويتس ..[/grade]













[mark=FFFF33]اللقاء الثالث والاخير [/mark]

[grade="00008B FF6347 008000 4B0082"]انا : اجي للغرفه الثالثه ..بس هذي الحاله غير ..غامضه ومقفله على نفسها الباب .. وبعد ربع ساعه من الطق المضني [/grade][grade="00008B FF6347 008000 4B0082"]طلعت لي وحده بسم الله الرحمن الرحيم متغطيه

وتقول:بوجهي دستووووور حيلهم بينهم..يا ربي ابعدها عني ..قل اعوذ برب الفلق >>حاله مستعصيه ...لا تحسدين موضي وعيالها

انا : اللي لساني يلصق بحلقي ..ومو عارفه وش اقول لها .. بس قلت : معاتس فش فاشه الدريع في برنامج سيرة الحب على قناة غرابيل الفضائيه ...

موضي : ايه انتي ذيك اللي تحلين المشاكل الزوجيه ؟؟ >>اي هين

انا : الف شعري بصبعي وسوي نفسي مو مهتمه اي هي انا ..يالله بدا بالاسئله ليه جيتي لشهار ؟

موضي : تزوجت من عمري 17 وجبت ولدين توأم اللهم لا حسد واليوم الثاني توفى زوجي ..وكل ذا من عيون الناس اني جايبه توام اولاد ..وترملت من عمر الزهور ..وقضيت عمري في البكا على حالتي ..وضامه عيالي عشان ما يحسدونهم الناس ..

انا : يامي ترى اللي صار مو حسد هذا قضاء وقدر ..>>ينقال تهون عليها

موضي : معليش يا اختي بسامحك هالمرة علي الكلمة الماصلة زي خشتس بس المرة الجاية ترا الزبيرية تبي تفحط بخشتس

انا : من اللي جابك لشهار ؟؟

موضي : صرت اجلس بقرنه لحالي واقرا على نفسي المعوذات .. واتشبب في اليوم عشر مرات .. واي احد يقرب مني اكشوووه واحصن نفسي .. واشمخ اللي ما يصلي على نبيه [/grade]

[grade="00008B FF6347 008000 4B0082"]واولادي ضاع فيهم الربى وقالوا لي يامي مافي امل تشفين قوومي معنا بنوديك مكان يناسبتس وجابوني لهنياء

انا : جليلين الخاتمه اللي ما يستحون على وجيههم ..لو اشووفهم كان اتوطى ببطنهم وما اشوف الا ذيك النعال الزبيريه على مخي ..طيب يا عجوز النار لا تظربين مرتن ثانيه وتعالي اصورتس ..

موضي : الظاهر تبين زبيريه ثانيه تسكتس اقوول عيالي ما يرضون لي اصور بس عسان انتس متعنيه خووذي اغراضي وصوريهم >>اعوذ بالله ما صدقت خلصت منها

انا : لحظه باقي سوعال .>>بتذبحها وش مواصفات زوج المستقبل ؟؟

موضي : انا مقدر انسى المرحوم بس لو حصل لي تاركان ماراح اعيي >>شوفوا ذي وش تقول [/grade]
















[grade="00008B FF6347 008000 4B0082"]بعد يوم شاق من التعب والتصوير والجهد والبحث ....الخ )

احصيت العوانس كالتالي :[/grade]






[grade="00008B FF6347 008000 4B0082"]

وبعد ما طلعت الاحصائيات اكسروا خاطري هالعوانس لأنهن انحطوا بمكان غصب عنهن .. وقلت لازم اطلعهن واحل مشكلتهن :

واختهن معي ورحنا الملاهي .. وركبتهن لقطار الموت عشان يصارخون ويطلعون الحره اللي بقلبهن ..

وبعد الملاهي رحنا مطعم كنتاكي [/grade][grade="00008B FF6347 008000 4B0082"]واكلتهن وجبة مطافي زياده حراره على حرتهن >>حاااقده بقوه

وقبل ما ارجعهن للمستشفى قلت لازم اعطي كل وحده هدية مني عشان يتذكروني بها :

عطيت عمشه : مجموعة روايات كيف تكونين سفاحهه ..سبيكه اعطيتها كرتون صابون عشرطعشر حبه بريالين

عشان بسرعه يزلقونها وتطيح .. وعطيت موضي منقله وحرمل وتراب هذا يروح الحسد عنتس >>بلاتس زدتي النار حطب

بعد مرور يومين من المقابله : دقوا شهار علة بيتنا ويقولون فش فاشه الدريع العزل بيك:زعلان:



[/grade][mark=FFFF33]ما يستفاد ..[/mark]

اول شي والله انا مو عانس بس حسيت بمعاناتهن .:

س1:ليه العنوسه في مجتمعنا زادت ؟؟

س2: ليه البنت لوصلت للعشرين قالوا عنها عانس ما تصلحيش للزواج .. مع انه السن المناسب لنضوج البنت..؟؟

س3:ليه كلمة العانس تجرح بها الفتاة وهي في عز شبابها ؟؟


[mark=FF0000]ملاحظه [/mark]:حقوق التصوير محفوظه لعيال اختي اللي انتحلوا شخصيات العوانس ::واو:

[نبـض]

عمشه : ابيه رجال حر ذكر مقيم يقدر الحياة الزوجيه ويشبه توم كروووز.>>اقوول خيسي بشهار محدن ملتفت عليتس

ههههه ياشين طموحات القرويين

يالعبده شوفي وجهتس اللي كانه نيقيتيف .. !

قويه



حجز ولي عوده

على فكره..سلمي لي على عيال اختك العوانس

[سعود]

عمشه : ابيه رجال حر ذكر مقيم يقدر الحياة الزوجيه

مالومها والله لو دخلوها أهلها شهااار



فش فاااشه بهذا الموضوع



ضربتي وبقووة على الوتر الحساس

<<== يقول الله يجيب العواقب سليمه



مشكوره على هيك لقاءات حلوووه



تحية عطرة

[بـنـت الـشـيـوخ]

عمشه : الهوى ما يعرف صغير و كبير ..لأن بالبيت اخواني والله طفشوني وين ما اروح العانس العانس

الله واكبر .. ياذا الهوى<<اللي صكـ عميشه بخشمها مو بقلبها

عمشه : ابيه رجال حر ذكر مقيم يقدر الحياة الزوجيه ويشبه توم كروووز.>>اقوول خيسي بشهار محدن ملتفت عليتس

قليل ماطلبت<<<<<تستاهل اكثر

انا : اللي اطيح براسي يمين وشمال ينقالي متابعه معها .. وانا رايحه بستين نومه

افااااااا... <<<<<يا د..فشفش الدريع
وانا كنت ناويه اتصل بتس

>>>وانتي من اللي قاص عليتس

وقالتس سوي معهن مقابله ..هي بنص سالفتها اقاطعها واقول لها قومي عند الشباك خليني اطق لتس صوره تذكاريه

منسمـــــــــــــــــــــ ــه

سبيكه : انا جمالي طبيعي ما يحتاج لي زينه ..>> من شاف وجهتس باول النهار ما استبشر تالي الليل..

كان قلتي لها الكتاب باين من عنوانه
بس للاسف د..

سبيكه : ابيه حلوو وسيم .. وعندووه قصر بحي الحزام الذهبي ويشبه عمران عباس <<اللي بصورة مازن الرمزيه

عمران عباس<<<<<<<في عينتس ياسبيكه

صورته هنا بالالوان ..مو زي صوره مازن<<<




ملــــــكـ جمال باكستـــــــــــــان<<< لاوالله هذي منتهيه

بس ولا يهمكـ يادكتوره..عطيها هالصوره عشان ماتموووووت حسرررررررره

وياخوفي <<< منتس انتي <<<بس مانلومتس

س1:ليه العنوسه في مجتمعنا زادت ؟؟

س2: ليه البنت لوصلت للعشرين قالوا عنها عانس ما تصلحيش للزواج .. مع انه السن المناسب لنضوج البنت..؟؟

س3:ليه كلمة العانس تجرح بها الفتاة وهي في عز شبابها ؟؟


ملاحظه :حقوق التصوير محفوظه لعيال اختي اللي انتحلوا شخصيات العوانس :

والله صرتي مصلحه اجتمــــــــاعيه
يافشفوووووووووشه<<<<<<<خطيرر� �رره


...................
وعاد يااختس

الشكوى لله..

هذا حال الدنيا...
والناس يختلفون..

[نور بني تميم]

اهلااااااااا بالمذيعه
انا قريت لقائك الاول لكن لي عوووووووووووووووووووودة
مادام الموضوع من فشفش اكيد روووووووووووووووووووووووو عه

[النجلاء]

ههههههههههههههه فوووشي القمررر

لي عوده مطووووله يا ام العوانسسسسس


سي يووو

[الدندووووونه]

سبيكه : انا جمالي طبيعي ما يحتاج لي زينه ..>> من شاف وجهتس باول النهار ما استبشر تالي الليل..

انا : اللي لساني يلصق بحلقي ..ومو عارفه وش اقول لها .. بس قلت : معاتس فش فاشه الدريع في برنامج سيرة الحب على قناة غرابيل الفضائيه ...

ههههههههههههههههههههههههه هه

ههههههههههههههههههههههههه هه

ههههههههههههههههههههههههه هه

<< ميته ضحكـ

وش هالمستقبل الزاهر للعوانس,,

أموووووت أنا يابنت الدريع,,

وش هالشروط اللي في أزواج المستقبل,,,, << أبي واحد مثل اللي قالوه,,خخخخخخخخخخ

فشفوووشتي مجهود رائع تشكرين عليه,,,

وش هالطيبه,,,, فسحتي العوانس,,,,<< كريمه

أمّا ماجاهم عقب أزواجهم....شي,,
<< أموت وأعرف كيف جات الأرمله والمطلقه عوانس,,,,؟!!!

ياحليلهم عيال أختكـ متحمسين للموضوع... ربنا يعطيهم العافيه,,,

[p5s][/p5s]
[bdr][/bdr]
[line][/line]

ليه العنوسه في مجتمعنا زادت ؟؟

لان ماعاد به رجاجيل صاحين....<< مع إحترامي للجميع

س2: ليه البنت لوصلت للعشرين قالوا عنها عانس ما تصلحيش للزواج .. مع انه السن المناسب لنضوج البنت..؟؟
يبونها تخاف وتفكر في العرس ومن باب النفاشه إن بنتنا تزوجت بدري,,وخطّابها كثار,,
ولاّ سن العشرين ومافوق تكون البنت فيه عاقله وقادره على تحمًل المسئوليه

س3:ليه كلمة العانس تجرح بها الفتاة وهي في عز شبابها ؟؟

الواثقه مايهمها ... بس ياكثر البنات اللي عندهم حساسيه من هالكلمه..

[p5s][/p5s]

الله يعطيك العافيه ياقمر,,,,, وربي إستانست وأنا أقرا,,يابنت الدريع,,,,,,,,خخخخخخخخ

دمــــــــــتي لي

[رمسون]

موضووووووووع حساس ...




لكن الرزق بيد الله ......














واخير .... الله يزوج بنات خلق الله ويفك ظيرهم .. \\












والله يزوجك يافش فاشة خخخخخخخ ويرزقك ربي بفشافيش

[أمل عبدالعزيز]

رجال حر ذكر مقيم

طيب يافوشي ماينفع مسافر؟

وعبد؟:هاها:

ترى كذا البنات بتخيس وأنا أولهم

ههههههههههههههههههههههههه ههههههههه

[أمل عبدالعزيز]

تقرير الحاقي


مادري فيه فرق بين/

رجال
و

ذكر؟


ياليت ألقى مترجم يافوشي ياشاعرة الشواعر

ههههههههههههههههههههههههه ههههههههههههههههه

[طيف]

هههههههههههههههههههه


ادوار رهيبه يالمذيعه ...






وش الإحاصيات من وين جوووو البنات ...:زعلان:


يووووووووووووووو بنات المملكه عوانس ...


والسبب التماسيح المعزبين ...




الحمدلله ما شفت الرنامج ولاكم بكيت..:زعلان:




حرام خلاص بنشر صورهن في إستراحات الأعزاب** عانس تريد الخطوبه**




ولا وش رائك ...


فكره حلووووووووووووووه ..



يسلموا يالغلا موضوع منيس مررررررررررررره..




أختك/ المعزبه جوري

[فوووووشي]

[mark=CCFF66]نبوووووووضه

حجز ولي عوده

على فكره..سلمي لي على عيال اختك العوانس

نبووووضه ... انتظرك يالدوووووووبه...وخلك تتاخرين بذبحك

تعالي عندي لك كلمة راس....

صكيني بذليك اللي يطلعون في الليل ويلمعون وعيال عم القمر...

اقرب لك اكثر: اللي تصقعهم الابله في جبهة الطالبه المتفوقه

خخخخخخخخخخخخخخخخخ


يبلغ بسلم على عيال اختي ....تراهم جالسين يتابعون الحدث من بعيد


انتظرك

اختك فش فاشه[/mark]

[فوووووشي]

[mark=CCFF66]سعود

مالومها والله لو دخلوها أهلها شهااار

ههههههههههههههههههههههههه هههههههههه

اييه مسكينه حالتها تكسر الخاطر...زين ماشفتها ولا كان بكيت عليها

فش فاااشه بهذا الموضوع

ضربتي وبقووة على الوتر الحساس

اي والله ياسعود... قلنا خل نحل مشكلتهم بطريقه فكاهيه...يمكن تهون مصيبتهم ...

خذوا حيييييييلي

<<== يقول الله يجيب العواقب سليمه

<<<===تقوووول امين

ومشكوور اخوي سعود عالطله النايس

اختك فش فاشه[/mark]

[بنت التوحيد]

لقااااااااااااااااء خطير وراااائع

بس ترااك فرحت بعض ناس عليناااااااااااا




تسلموووووووووووووووووووو

تحيااااتي

[المؤمن بالله]

ههههههههههههههههههههههههه هههههه

خخخخخخخخخخخخخخخخخخخخخخخخخ خخ


الله يرزق الجميع وهني الجميع

ويقدر كل رجل يتزوج اربعة يعني تخف الاسعار اقصد غلاء المهور

من شان تنتهي العونسة

فش فاشة

ما اقول غير انك داهية

تحيتي لك