[align=center]
من قديمي واحببت ان انشرها لكم انتم فقط آآآمل ان تنال استحسانكم[/align]
[poem=font="Simplified Arabic,6,black,bold,normal" bkcolor="white" bkimage="" border="inset,3,gray" type=2 line=0 align=center use=ex num="0,black"]
ياهيـه يامنتوق تلعـات الأرقـاب=ياللـي شموخـك مرتويلـه مهابـه
شاعرك لامنه نوى سـرق الألبـاب=عدى على الرجـم الطويـل ورقابـه
شاعرك لاغنـى فتحلـه 100 بـاب=وقامت تعاوى وسـط صـدره ذيابـه
لجلك قطف من واحة الشعر ماطـاب=واهـداك باقـات القوافـي كتـابـه
ومن غبت عن عاشقك ياسيد الأقراب=اقفى مع الترحـال يشكـي صوابـه
اقفى يحث اركـاب وينّـوخ اركـاب=يـروح يرجـع فـي دروبٍ تشابـه
اقفى يهـد اخيـام ويشـدد اطنـاب=ماعـاد تكفيـه المديـنـه رحـابـه
اقفى يجر الصوت بسهول وهضـاب=يصيح يزهملـه مـن الوجـد لابـه
يصيـح بالله يارفيعيـن الأنـسـاب=قولـو لخـلـي لايـطـول غيـابـه
وقولولـه ان الحـب مامـات كـذاب=فـي داخلـه يكبـر ويكبـر عذابـه
وقولوله اني اشتقت لعيون واهـداب=ولهان اقـراء فـي عيونـه اجابـه
وقولوله ان الليل مـن بعـد ماغـاب=سـوى بقلبـي شــي ماينحكـابـه
وقولوله ان البعد تصعيـد وارهـاب=فجـر بجوفـي كـل عـرق وأذابـه
ويلااااااااه .. من فرقاه حتى هـل الـراب=خلـو معازفهـم .. وجـرو ربـابـه
نادووووه .. يكفي هجر.. وبعاد .. وغياب=ويكفي غرابيل .. وهموم .. وكآبـه
إن طاعكم كـل القرابـه والأصحـاب=نذرٍ علـي لـروي ظمـاه بسحابـه
وإن صد واقفى ماتبرّق فالأسبـاب=لاوالله إلا كشـرالـوقـت نـابــه
لاوالله إلا زوّد جروحـي اعـطـاب=والعقـل منـي بالمفـارق غـدابـه
بس علموه اني على عهـد الأحبـاب=وانـي لمـوت ولاقطعـت الرجى به
واني لخلي صورتـه بيـن الأهـداب=يمكن بيـوم اقـراء بطيفـه اجابـه [/poem]
[align=center]تقبلوا فائق التقدير والاحترام[/align]