[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما بقى من الموعد الا ذكرياتك = يوم جيت و كانت اللقياء عيون
يوم اشعلت بشموعي امسياتك = ابتديتك عشق في درب الجنون
لبى رمشك لبى زولٍ في عباتك = لبى ضوضاءك بساعات السكون
يالصفات اللي تفردها صفاتك = ما هقيت ان به شبيه لك يكون
الغنج ترف الدلع زّود حلاتك = والثغر والخد والقد الفتون
ودها تروي حكايات احجياتك = ودها تبّريك من سوء الظنون
يوم قلتي لي وهبتيني حياتك = صرت في حتى تفاصيلك امون
من طلبتيني لعهد الحب جاتك = كل روحي تفتدي روحك تهون
عشتك وذاتي تراءت لي بذاتك = صدق من قال الجنون بالف لون
كنت انا الغالي بمواعيد امنياتك = افترش رمشينك بهاك الجفون
يا حبيبي للغلا تكبر غلاتك = في خفوقي والمشاعر ينصتون
ونة القلب المعذب من سواتك = للهوى ما ظنك بيومٍ تخون
دون وصلي ليه تتعثر خطاتك = ليه تقسى وين طبعك ياحنون
رح وانا ببقى اسير لذكرياتك = بذكرك بالخير يا هاك العيون [/poem]
رد مع اقتباس
المشاركة الأصلية كتبت بواسطة سيف الاسماء
