صباح الخير
قصيدة متواضعة
أتمنى أن تحظى بالاستحسان
وان تنال ولو جزء بسيط من اعجابكم
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
كيف الزمن هذا يجي لي على الكيف= مدري علامه ناوياً بيّ الاجحاف
لاقلت وش بك قال فيني تصانيف =وابشر بلوعات ٍ على كل الاصناف
ماعندي اليا قلت رحمة وتسويف= في قلبك اخلف هم ينسيك الاسلاف
ماهي بتلحقني عليك التحاسيف=طبعي كريم ولو تجاوزت الاسراف
يارب اجرني من كبار الصواديف=هذا الزمن ظالم ولاعنده انصاف
احترت لا القى له من الويل تعريف = جاير وخالف بي تقاليد واعراف
مليت من كذبه ومن كثرة الزيف= وانا انتظر منّه مع البذل ميقاف
كان الامل لي في بحوره مجاديف=اسنين ادوّر بين الامواج لاضفاف
بس اني تهت ابعالم ٍ شكله امخيف= والموووت يوم الياس لي صار مجداف
كني كما طفلاً تحت رحمة السيف =خايف ولاله غير يبكي ليا خاف
يعيش غربة بالأسر عاماً ونيف = في وحدته والدمع له صاير لحاف
مايرحمه برد الشتا ولاهب الصيف=واليا نسى لا السيف بيدين سيّاف
الحزن دااايم لادنا الليل لي ضيف=والمشكلة قلبي على طول مضياف
تعبت اطارد حلم اشوفه كما الطيف =واصبح كوابيساً على كل الاطياف
لكني آجامل واجيب السواليف =من خوفي ان الدمع بالصمت ينشاف
وانا وربي مومناً بالتصاريف = لو عشت كل العمر بسنين ٍ عجاف
واليا نشدني غالياً حالتك كيف= أقول طيب واضحك ومابي اخلاف[/poem]
تحياتي للجميع
فايز الحربي
رد مع اقتباس
