[align=center]
مجرد أبيات كتبتها الآن
ونشرتها هنا في عجاله
قصيده احترت في مسمّاها
أقرب مايُقال عنها / فلسفة شااااعر
أتمنى أن ترقا لأفكاركم وتلامس أذواقكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اسمع كلامي واحسب لعمرك حساب /=اعمل وتلقى ما عملته أمامك
لالايهمّك راعي الهرج كـذاب=رفيقك / اللي فالشدايد حـزامك
لا صار مالك فالقسى فزعة أقراب /=لاتبلِش العالم بكثرة خصامك
ولا صار قلبك من عنا الحب منصاب /=احذر تبيّن للحبيب انهزامك
وأليا رقيت / أرقا على راس مرقاب=وألا استرح وارتح وريّح عظامك
منتب بمجبورٍ على جلب الأتعاب=لا صار كسب الطيب ما هو مرامك
أقوى صداقه فالزمن / خوّة كتاب=لا صار يجلا عن حياتك ظلامك
وأكبر مصيبه تبتدي بين الأحباب /=لا صار خلّك ما يثمّن غرامك
وأكبر جفا وخصام من بين الأصحاب /=تفشي السلام ولا يجاوب سلامك
وأكبر شقا فارق به النوم الأهداب /=لا صار لك غايب يزاور منامك
وأكبر مذلّه / حاجتك عند الأجناب=وأليا تساوت جيّتك وانعدامك
وأكبر عنا / لا صرت من بين الأغراب=تآيه ولا تعرف مكان انضمامك
وأكبر تعاسه / كانك تشدّ الأطناب=تبني وغيرك غايته في هدامك
وأكبر وفا / لا جاك للحق طلاّب=وأوفيت حقّه بالوفا والتزامك
لاتحسبن المرجله فتل الأشناب=المرجله / فعلك يسابق كلامك
ماهوب عيب أليا تعرّضت لعتاب=العيب / أنك ما تلقّي اهتمامك
ولاهيب غايه لا وصل شخصك اعجاب=الغايه / أن الناس تعرف مقامك
ولاهو هدف تحصد كبيرات الألقاب=أكبر هدف / يستر حلالك حرامك
ولاهي شجاعه تخضع لشخصك أرقاب /=افرض على روس النشاما احترامك
قل للعريب اللي فتح للردى باب /=درب الردى ماهوب دربك ... علامك !
الله وهبْك وواهب الخير وهّاب=الجود سرجك والسخى هو زمامك
حكم القدر صاير ولو تفعل أسباب=ولابد ما يومٍ وتبلى عظامك
أخذ الحقيقه واحسب لعمرك حساب /=اعمل وتلقى ما عملته أمامك[/poem][/align]
[align=center]
أخوكم
راكان محمد .[/align]