مساء الخيرااااااااات
متواضعه ارجو لها القبول بعد طول غياب لا ارادي
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
القصيد اللي ينومس خاطر المنضامي = كل ماصكت عليّه قمت اجر الحانه
والمعاني ماتشح ولا تجف اقلامي =مالكٍ در البحور ومالكٍ مرجانه
جنب عدٍ مايروي مابنيت خيامي =قالها اللي والروابع ماتهز أركانه
ياهجوسي هاتي بالله من جديد إلهامي = لين أوصلها غناة الدره الفتانه
أكشفي ستر الضلوع وعلميه إلزامي = كل جرحن من يديه مثبتِ في خانه
مادريت ان البلاوي كلها قدامي = من هروجٍ ماتداوي كبدي الظميانه
الله اكبر كيف جاني بالقرار السامي = خاتمه ختم الفراق وكاتبِ عنوانه
ما جدايه من وراها غير أعض إبهامي= واحسافة حبي اللي ماختلف ميزانه
كان يرضاها عليّه من يدين الرامي = وش بقى للجاهل اللي ماقرى برهانه
كيف يدخلني بغبه موجها لطامي = والمصيبه من دعاوي نفسه التعبانه
سلم اذنه للوشاه وصدق الأوهامي =لين جّهة عن سماه المزنه الهتانه
بعتبرها في حياتي من دروس أيامي =مير حبِ من وراكم قفلوا بيبانه[/poem]