السلام عليكم ورحمة الله وبركاته
بعد الغياب عن المواضيع أقدم لكم هذه المتواضعة عسى أن تنال رضاكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] قصر الكلام ابدون إسهاب واشروح=وبصدق الهروج اللي تسمى صراحه[/poem]
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يالصاحب اللي كنت أغلى من الروح=أفكار هجرك في ضميري متاحه
كلام جدي وماعلى هيئته امزوح=ماعاد لك في صدر قلبي مساحه
ولاتبحث أسبابي وأنا مقدر أبوح=والصمت في بعض المواقيف راحه
لاصار مابه في مواصيلك اطموح=ونبع المودة جف صافي قراحه
وكف الصراحه في الموازين مرجوح=وكف المفارق فاق وصلك رجاحه
لاتجبر المقفي اذا كان مجروح=خله يضمد بالتجافي جراحه
دام الهوى مشروع مكسب ومربوح=والوصل سهمن من عوامل نجاحه
وأنا من وصال المواليف مذبوح=وياأتلى وليفن صوبني رماحه
من أول الأفكار في عيني اتلوح=واليوم ضاقت في عيوني المساحه
وفاح النوى وكنه مثل عطرن يفوح=ولبيك ياريح النوى واجتياحه
لبيك ياهمن عن الصدر منزوح=يحس صدري ابيوم كبه انشراحه
ألبس من الفرقا على الصدر موشوح=واكتب على الموشوح لا للصراحه
حتى يغدي لعبك على الوصل مشروح=ولو كانت النية ابوصلك شفاحه
لكن قبل لا اقفي عن العين واروح=الدين يسر وحثنا على السماحه
الله يحللك ويبيحك ومسموح=ولو كنت من مكن بقلبي جراحه
ويالصاحب اللي كنت أغلى من الروح=ماكل من يسبح يجيد السباحه
وماكل من يهدم يبي يبني اصروح=والحب مثل الطير يبغي سراحه
أطلق سراح أحساسي بغربة الروح=ودي أعيش بجو فرقاي راحه
دام الوصل أبذا الزمن سلم مصلوح=قلبي قفله الشمع وأنهى صلاحه
[/poem]
وسلاااامتكم ( ارجو تنسيقها وشكرا)